MAYOR ARCHIVAL MISUPORTA SA ELECTRIC TAXI

Mipadayag og lig-on nga suporta si Cebu City Mayor Nestor Archival alang sa pagpadagan og electric vehicles (EV) dinhi sa siyudad sa Sugbo.

- 

Apan bukas sab siya sa ideya nga adunay usa ka tuig nga moratorium aron makatabang sa pagdumala sa gidaghanon sa mga sakyanan ug adunay hapsay nga transisyon gikan sa paggamit sa tradisyonal nga taxi paingon sa paggami og EV.

Ang mayor nagkanayon nga ang suporta naggikan sa panginahanglan nga mobalhin ngadto sa electric taxi tungod kay kinahanglan nga hatagan og konsiderasyon ang problema sa kalikupan ug panglawas sa publiko ug aron nga mapatuman ang paningkamot nga mamahimong moderno ang pampublikong transportasyon sa siyudad.