వేటు.. బదిలీలు -ఘటనపై న్యాయ విచారణ

• భక్తుల మృతి కలిచివేసింది • మృతుల కుటుంబాలకు రూ.25 లక్షలు...

- 

• తీవ్రంగా గాయపడ్డ వారికి రూ.5 లక్షల చొప్పున పరిహారం

• తోపులాటలో గాయపడ్డవారికి రేపు ప్రత్యేక దర్శనం

• నిర్లక్ష్యంగా వ్యవహరించిన డీఎస్పీ రమణకుమార్, గోశాల డైరెక్టర్ హరినాథరెడ్డి సస్పెన్షన్

• ఎస్పీ సుబ్బారాయుడు, జేఈవో గౌతమి, టీటీడీ సీఎస్ఓ శ్రీధర్ బదిలీ

• తిరుమలలో ఎలాంటి దుర్ఘటన జరగకూడదని ఓ భక్తుడిగా కోరుకుంటా...

• తిరుమలలో రాజకీయాలకు చోటులేదు.

• మీడియా సమావేశంలో ముఖ్యమంత్రి నారా చంద్రబాబు నాయడు.

• ప్రమాద స్థలాన్ని పరిశీలించిన ముఖ్యమంత్రి

• స్విమ్స్, పద్మావతి ఆసుపత్రుల్లో క్షతగాత్రులకు పరామర్శ

'పవిత్ర దివ్యక్షేత్రం తిరుపతిలో జరిగిన బాధాకరమైన ఘటన నన్ను తీవ్రంగా కలిచివేసింది. భక్తుల మరణ వార్త విని ఎంతో బాధపడ్డా. ఇటువంటి ఘటనలు పునరావృతం కాకుండా జాగ్రత్తలు తీసు కునేలా అధికారులను ఆదేశిస్తున్నా. తిరుమల పవిత్రతను కాపాడాల్సిన బాధ్యత ఒక వెంకటేశ్వరస్వామి భక్తుడిగా, రాష్ట్ర ముఖ్యమంత్రిగా నాపై ఉంది. తొక్కిసలాట ఘటనపై న్యాయ విచారణకు ఆదే శిస్తు న్నా.' అని ముఖ్యమంత్రి నారా చంద్రబాబు నాయుడు అన్నారు. తిరుపతిలో వైకుంఠ ఏకాదశి టోకెన్ల జారీ సందర్భంగా బుధ వారం జరిగిన తోపులాటలో ఆరుగురు భక్తులు మృతి చెందడంపై ముఖ్యమంత్రి విచారం వ్యక్తం చేశారు. తొక్కిసలాట జరిగిన ప్రాంతాన్ని నిశితంగా పరిశీలించి, దుర్ఘటన పై క అధికారులను ప్రశ్నించారు. అనంతరం స్విమ్స్, పద్మావతి ఆసుపత్రుల్లో చికిత్స పొందుతున్న క్షతగాత్రు లను ముఖ్యమంత్రి పరామర్శిం చారు. ఆసుపత్రుల్లోనే రెండు గంటల పాటు ఉండి గాయపడ్డ అందరినీ సీఎం పరామర్శిం చారు. మెరుగైన వైద్యం అందించాలని అధికారులను ఆదేశించారు. అనంతరం టీటీడీ పరిపాలనా భవనంలో ఘటనపై టీటీడీ చైర్మన్ బీఆర్ నాయడు, ఈఓ శ్యామలారావు, మంత్రులు, అధికారులతో సమీక్షించారు.

మృతి చెందిన వారికి రూ.25 లక్షలు...