బీసీ ఉద్యమం ఎవరి కోసం..

బీసీ బిడ్డలను ఏమార్చడానికి ఆడుతున్న నాటకమేనా..?

- 

42 శాతం రిజర్వేషన్లు సాధ్యం అవుతాయా..?

• అసెంబ్లీలో తీర్మానం చేసినంత మాత్రాన విజయం సాధించినట్లేనా..?

• కేంద్ర ప్రభుత్వం మోకాలడ్డుతోందంటూ తప్పించుకునే ప్రయత్నమా..?

• అసలు రిజర్వేషన్లు అవసరమా..? అంటున్న ఒక వర్గం మేధావులు..

• ఎవరికి వారు ఉద్యమాన్ని తమకు ఓన్ చేసుకునే ప్రయత్నం..

• రాష్ట్రంలో ఎన్నెన్నో సమస్యలు.. వాటిని పట్టించుకునేది ఎవరు..?

• బీసీ రిజర్వేషనన్న పాట హిట్ అవుతుందా..? ఫట్ అవుతుందా..?

నిజానికి రిజర్వేషన్స్ అనేవి కులాల ఆధారంగా ఇవ్వబడతాయి.. అయితే రాజ్యాంగం వచ్చిన మొదట్లో కొన్ని కులాలు వెనక బడి వున్నాయి కాబట్టి అప్పుడు ఆ సమయంలో జనాభా ప్రతిపాదికన రిజర్వేషన్స్ వ్యవస్థను తీసుకువచ్చారు.. ఇది సమంజసమే కానీ ఇప్పుడు కూడా సమాజంలో పరిస్థితులు అలాగే వున్నాయను కుంటే నిజంగా ఈ రిజర్వేషన్లు ఎందుకు..? అవసరమా..? అన్న సందేహం ఎవరికైనా కలుగుతుంది.. తెలంగాణాలో 42 శాతం రిజర్వేషన్లు బీసీలకు ఇవ్వాలి అనే ఒక సరికొత్త పాట మొదలైంది.. మరి ఆ పాట హిట్ అవుతుందా..? ఫట్ అవుతుందా? అన్నది వేచి చూడాలి. ఎందుకంటే బీసీల మీద ప్రేమ కంటే స్వప్రయోజనాల కోసమే రాజకీయ నాయకులు ఈ బీసీ రిజర్వేషన్స్ అన్న వ్యవహారాన్ని తెరమీదకు తీసుకుని వచ్చారా..? అన్న అనుమానాలు కూడా వ్యక్తం అవుతున్నాయి.. మేధావి వర్గానికి చెందిన కొందరు బహిరంగంగానే విమర్శలు గుప్పిస్తున్నారు.. ఇదొక పెద్ద నాటకం అని.. ప్రజలను తప్పుదోవ పట్టించేందుకే ఈ వ్యవహారాన్ని తెరమీదకు తీసుకువస్తున్నారని వారంటున్నారు.. అసలు ఏమి జరిగింది..? ఏమి జరుగుతోంది..? ఏం జరుగబోతోంది..? అన్నది మాత్రం ఉత్కంఠతను రేకెత్తిస్తోంది..