మేడిగడ్డతొ కోట్లు మింగిన కేసీఆర్

• 24 గంటల నాణ్యతతో కూడిన విద్యుత్ • తెలంగాణ వచ్చినా వెనుకబడిన జిల్లాగా ఆదిలాబాద్ • రాష్ట్రంలో ప్రతి పేదవ్యక్తికి రూ.10 లక్షలు

- 

• 24 గంటల నాణ్యతతో కూడిన విద్యుత్

• తెలంగాణ వచ్చినా వెనుకబడిన జిల్లాగా ఆదిలాబాద్

• రాష్ట్రంలో ప్రతి పేదవ్యక్తికి రూ.10 లక్షలు

• బెల్లంపల్లి, చెన్నూరుల్లో కాంగ్రెస్ జెండా ఎగరాలి 

• బాల్క సుమన్, దుర్గం చిన్నయ్యలను తరిమికొట్టాలి

• ధరణికి ముందు రైతుబంధు ఎలా ఇచ్చారో చెప్పాలి

• కాంగ్రెస్ ప్రచార సభలో పీసీసీ చీఫ్ రేవంత్ పిలుపు

మంచిర్యాల,10నవంబర్ (ఆదాబ్ హైదరాబాద్): ఇటు బెల్లంపల్లిలో, అటు చెన్నూరులో కాంగ్రెస్ జెండా ఎగరేయాలి అని టీపీసీసీ చీఫ్ రేవంత్ రెడ్డి పిలుపునిచ్చారు. బాల్క సుమన్, దుర్గం చిన్నయ్యలను తరిమి కొట్టాలని, వారి దుర్మార్గాలకు ఎన్నికల్లో కాంగ్రెస్కు ఓటు వేసి బుద్ధి చెప్పాలని పిలుపునిచ్చారు. కాంగ్రెస్ పెరగాలంటే ఈ కాంగ్రెస్ నిర్వహించిన బహిరంగ సభలో రేవంత్ రెడ్డి కీలక వ్యాఖ్యలు చేశారు. ఉచిత విద్యుత్ కాంగ్రెస్ పార్టీ పేటెంట్ అని, 2004లోనే ఉచిత విద్యుత్ అందించింది తమ పార్టీ అన్నారు.ధరణి లేకపోతే రైతుల భూములు పోతాయని సీఎం కేసీఆర్, బీఆర్ఎస్ నేతలు అబద్దాలు ప్రచారం చేస్తున్నారంటూ మండిపడ్డారు. ధరణి వెబ్ సైట్ రాకముందు రైతు బంధు నగదు రైతుల ఖాతాల్లో ఎలా పడ్డాయో చెప్పాలని బీఆర్ఎస్ ప్రభుత్వాన్ని రేవంత్ రెడ్డి ప్రశ్నించారు. 30,500 కోట్లతో నిర్మించాల్సిన కాళేశ్వరం ప్రాజెక్టు కు 1,50,000 కోట్ల రూపాయలు ఖర్చు చేసిన ఘనుడు సీఎం కేసీఆర్ అంటూ మండిపడ్డారు... బెల్లంపల్లి సభకు హాజరైన ఈ జన ప్రవాహాన్ని చూస్తోంటే గోదావరి నది ఈ మైదానంలో ప్రవాహించినట్లుంది అన్నారు. గల్లీ నుంచి ఢిల్లీ వరకు వినిపించే పేరు కాకా వెంకటస్వామి. దేశంలో గాంధీ కుటుంబంలా తెలంగాణలో వెంకటస్వామి కుటుంబం కాంగ్రెస్ పార్టీకి పట్టాదారులన్నారు.