లెజెండ్

ఆధునిక భారతదేశ గాంధీ ‘ఆమ్టే'

- జనక మోహన రావు దుంగ 8247045230

దీపావళి పండగ నాడు మిఠాయిలు, టపాసులు కొనుక్కోమని తన తల్లి ఇచ్చిన నాణేలతో దుకాణానికి పరిగెడుతున్న బాలుడికి 'ఈ అంధుడికి ఒక్కపైసా ఇవ్వండి భగవాన్' అన్న అంధుని ఆర్తనాదాలు చెవిన పడ్డాయి.

ఆ బాలుడు తన దగ్గరున్న పెద్దమొత్తంలో ఉన్న నాణేలన్నీ ఆ బిచ్చగాడి డబ్బాలో వేయగా, ఆ బిచ్చగాడు ' నాకు చూపులేదని నాడబ్బాలో దయచేసి రాళ్ళు వేయొద్దు బాబు ! ' అన్నాడు. ఇవి రాళ్ళు కాదు నిజంగా డబ్బులే, కావాలంటే చేతితో తడిమి చూసుకో అన్న ఆ బాలుడు మాటలు విని బిచ్చగాడు తడిమి చూసి అవి నాణేలు అని తెలియగానే తన కళ్ళవెంట ఆనందభాష్పాలు రాల్చాడు ! ఆ సంఘటన చూసి బాలుడు ఏడుపు ఆపుకోలేక ఇంటికి పరిగెత్తి 'ఇలాంటి వారికోసం పెద్ద అయిన తరువాత ఏదైనా చేయాలి ' అని ఆ పసి హృదయంలో ముద్రించుకున్నాడు. ఆయన ఎవరో కాదు! ఆయనే బాబా ఆమ్టే ! ఇప్పటి తరానికి ఈయన తెలికపోవచ్చు ! కానీ తెలియపర్చాల్సిన బాధ్యత మన మీద ఉంది.