తక్కువ ఉష్ణోగ్రతలు, తక్కువ గాలి నాణ్యత కారణంగా పెరుగుతున్న ఆరోగ్య సమస్యలు

చలికాలం ప్రారంభమై నగరంలో ఉష్ణోగ్రతలు తగ్గుముఖం పట్టడంతో పలు అనారోగ్య సమస్యలు తలెత్తుతున్నట్లు వైద్యులు గుర్తించారు.

- డాక్టర్ సౌజన్య మంత్రిప్రగడ, అపోలో క్లినిక్, ఫ్యామిలీ ఫిజిషియన్, డయాబెటాలజిస్ట్

హైదరాబాద్: చలికాలం ప్రారంభమై నగరంలో ఉష్ణోగ్రతలు తగ్గుముఖం పట్టడంతో పలు అనారోగ్య సమస్యలు తలెత్తుతున్నట్లు వైద్యులు గుర్తించారు. పౌరులలో ఆరోగ్య సమస్యలు పెరగడానికి వైద్యులు పేలవమైన గాలి నాణ్యత, తక్కువ ఉష్ణోగ్రత ప్రధాన కారణమని పేర్కొన్నారు.

నిజాంపేట్లోని అపోలో క్లినిక్ ఫ్యామిలీ ఫిజిషియన్, డయాబెటాలజిస్ట్ డాక్టర్ సౌజన్య మంత్రిప్రగడ మాట్లాడుతూ రోగులలో శ్వాసకోశ ఇన్ఫెక్షన్లు పెరగడాన్ని గమనించినట్లు తెలిపారు. “గత కొన్ని వారాల్లో, కేసుల సంఖ్య గణ నీయంగా పెరిగింది. 40-50% మంది రోగులు శ్వాసకోశ లక్షణాలతో మా దగ్గరికి వస్తున్నారు. ఎగువ, దిగువ రెసిపరేటరీ ట్రాక్ట్ అంటువ్యాధులు, బ్రోన్చియల్ ఆస్తమా, సీఓపీడీ లక్షణాలు గమనించబడ్డాయి. శ్వాసకోశ వ్యాధి కారక క్రిముల వ్యాప్తి వలన ఎక్కువ మంది వ్యక్తులు ఆసుపత్రిలో చేరాల్సివచ్చే జబ్బుల బారిన పడుతున్నారు.”

జలుబు, దగ్గు, జ్వరం, ఊపిరి ఆడకపోవడం వంటివి రోగులలో సర్వసాధా రణమైన ఫిర్యాదులలో ఉన్నాయని డాక్టర్ మంత్రిప్రగడ తెలిపారు. “16 సంవత్సరాల కంటే తక్కువ వయస్సు ఉన్న రోగులు, వృద్ధులు ముఖ్యంగా మధుమేహం, దీర్ఘకాలిక వ్యాధుల వంటి సహవ్యాధులతో ఉన్నవారు ఈ సమస్యల గురించి ఫిర్యాదు చేస్తున్నా రు. అనారోగ్యానికి గురయ్యే ప్రమాదం ఎక్కువగా ఉన్న వ్యక్తులలో గర్భిణులు, 5 సంవత్సరాల కంటే తక్కువ వయస్సు ఉన్న పిల్లలు, వృద్ధులు, దీర్ఘకాలిక రోగాలతో ఉన్న వ్యక్తులు ఉన్నారు. రోగుల తాకిడికి ఎక్కువగా గురి కావడం వల్ల ఆరోగ్య సంరక్షణ సిబ్బంది కూడా ప్రమాదంలో ఉన్నారు” అని అన్నారు.