అస్తమయం లేని ఓ అరుణతార

లెజెండ్

- ఫిజిక్స్ అరుణ్ కుమార్ 9394749536

ఉన్నత కుటుంబపు నేపథ్యం వున్నప్పటికీ, ప్రఖ్యాత యూనివర్సిటీ లో విద్యనభ్యసించినప్పటికీ నిరంతర అధ్యయనం చేస్తూ, నూతన మానవ తత్వపు ప్రపంచ శాస్త్రీయ పోకడలను గమనిస్తూ, వామపక్షజాలాన్ని తన జీవిత గమనంగా మార్చుకున్నప్పటికీ అందరివాడిగా అంతర్జాతీయ స్థాయిలో గుర్తింపు పొందినవారు,నేటి భారతీయ రాజకీయ ప్రముఖుల్లో ఒకరు సీపీఎం ప్రధాన కార్యదర్శి సీతారాం ఏచూరి. వారు ఊపిరితిత్తుల ఇన్ఫెక్షన్ సమస్యతో చికిత్స పొందుతూ ఢిల్లీ లోని ఎయిమ్స్ లో గురువారం మధ్యాహ్నం తుదిశ్వాస విడిచారు. జాతీయ స్థాయిలో పార్టీకి మూడు సార్లు సారథ్యం వహించి, విశేష సేవలు అందించిన సీతారాం మన తెలుగు వ్యక్తి కావడం మనకు గర్వకారణం. దాదాపు ఐదు దశాబ్దాలుగా శ్రామికుల, నిరుపేదల ప్రజాసమస్యలపై ప్రజాపక్షమై అరుణోదయ విప్లవ దీపమై యావత్ జీవితాన్ని కమ్యూనిస్టుగా 2 జీవించి, చనిపోయాక కూడా తన పార్థీవ దేహాన్ని వైద్య విద్యార్థులకు బోధన, పరిశోధన అవసరాల కోసం ఎయిమ్స్ కు దానంచేసిన ఏచూరి రాజకీయ సిద్ధాంతాలకు, జీవన విధానాలతో సంబంధం లేకుండా అందరికీ స్ఫూర్తి ప్రదాతే. అందుకే రాష్ట్ర పతి, ప్రధానమంత్రి, విపక్షనేత, వివిధ రాజకీయ పార్టీల ప్రముఖ నేతలు, వివిధ రంగాల ప్రముఖులు సీతారాం మరణం పట్ల తీవ్ర దిగ్భ్రాంతి వ్యక్తం చేస్తూ,వారి కుటుంబ సభ్యులకు ప్రగాఢ సానుభూతి తెలియజేస్తూ వారితో వు