లైంగిక వేధింపులనుంచి చిన్నారులకు భద్రత ఏది?

భర్త నుంచి కూతుర్ని కాపాడుకునేందుకు 30 లక్షలు ఖర్చు...?

- 

“నేను చిన్నప్పుడు ఇష్టపడేదాన్ని, నాపైన లైంగిక దాడి ఎంతో రహస్యంగా ప్రారంభమైనప్పుడు ప్రతిదీ నా కళ్లముందు మసకబారిపోయింది. ఆ సమయంలో ఏమి జరుగుతుందో నాకు అర్థం కాలేదు. కానీ తీవ్రమైన భయాందోళనకు గురయ్యాను. మనసులో ఎంతో గందరగోళంగా అనిపించింది. చీకటి మేఘం నాపై ఎప్పుడూ వేలాడుతున్నట్లుగా ఉంటోంది. ఆ పరిస్థితులను ఎలా పోగొట్టాలో నాకు తెలియదు. నేను ఎవరికైనా చెప్పాలనుకున్నా... ఏదో తెలియని భయం. సిగ్గు.చెబితే ఎవరైనా నన్ను అసహ్యించుకుంటారోనన్న తీవ్ర ఆవేదన. నా వయస్సులో ఉన్న ఏ పిల్లలూ ఇంత భారాన్ని మోయకూడదు. దయచేసి, మీరు మీ పిల్లలపై ఏదైనా తప్పుడు చర్యలు జరుగుతున్నాయేమో గమనించాలి. ఒక వేళ అలా జరిగితే వారి తరపున మీరు గొంతెత్తి మాట్లాడండి. వారి ఆవేదనను మీ ద్వారా వినిపించండి. లైంగిక దాడులను ఎదుక్కంటున్న చిన్నారులను నిందించకండి.. చులకనగా చూడకండి. వారిని వేధించకండి. వారికి మీరు పూర్తి రక్షణగా నిలబడండి. వారికి మళ్లీ వెలుగును చూపించడానికి మీరు సహాయపడండి" అని తన చిన్నతనంలో లైంగిక వేధింపులకు గురైన పరాజిత (పేరు మార్చబడింది) చెప్పింది. ప్రస్తుతం బహుళజాతి కంపెనీలోఆమె హెచ్ ఆర్ హెడ్ గా పనిచేస్తున్నారు.