மருத்துவர் மீது செவிலியர் பாலியல் புகார்!

“என்னிடம் பாலியல் சீண்டல்கள் செய்தவன், பிணையில் வந்து சொந்த ஊரில் இருந்துகொண்டே வழக்கை வாபஸ் வாங்கு என கொலை மிரட்டல்களை விடுக்கின்றான்.

- -நா.ஆதித்யா

கண்டுகொள்ளாத காவல்துறை!

புகார் கொடுத்தால் அவனை தப்பிக்கவிடுகின்றது போலீஸ். இந்த கொடுமைகளால் பேசாமல் செத்துடலாம்னு தோணுது” என ‘நக்கீரனை' அழைத்து விபரத்தை பதிவு செய்தார் செவிலியர் லீனா இந்திராமேரி.

திண்டுக்கல் மாவட்டம் பழனியைச் சேர்ந்தவர் லீனா இந்திராமேரி. இவர் பழனியில் இயங்கும் தனியார் மருத்துவமனையான ராஜ் பல்நோக்கு மருத்துவமனையில் தலைமைச் செவிலியராக பணியாற்றிவந்துள்ளார். மருத்துவமனையின் உரிமையாளரும் மருத்துவருமான மதனகோபால் வாட்ஸ்அப்பில் I Need you, I Like you, I Love You என செவிலியர் லீனாவிற்கு அடிக்கடி பாலியல் தொந்தரவு கொடுத்துள்ளார். ஒருகட்டத்தில் இது தொடர்கதையாகவே... இதனால் லீனா வேலைக்குச் செல்லாமல் வீட்டிலேயே இருந்துள்ளார். ஆனால், மருத்துவர் மதனகோபாலோ, லீனாவிற்கு செல்போனில் தொடர்பு கொண்டு ஆபாசமாக பேசுவதும், ஆபாச குறுஞ்செய்திகள் அனுப்புவதுமாக இருந்துள்ளார். இதுகுறித்து லீனாவின் உறவினர்கள் மருத்துவரை எச்சரித்தபொழுது, ஒருகட்டத்தில் இனிமேல் இதுபோல் நடக்கமாட்டேன் என மருத்துவர் உறுதியளித்திருக்கின்றார்.