எழுத்தாற்றல் மிக்க தம்பியை இழந்தது நக்கீரன்!

ஆர்.டி.எக்ஸ். -இது 1990களில் அதிகம் பயன்படுத்தப்பட்ட வெடிமருந்து. அதையே தன் புனைப் பெயராகக் கொண்டு ஆர்.டி.எக்ஸ் எனும் பெயரில் அதிரவைக்கும் கட்டுரைகளை நக்கீரனில் தொடர்ந்து எழுதி வந்தவர் தம்பி R.D.Sakthivel எனும் இரா.த.சக்திவேல். அரசியல் புலனாய்வு கட்டுரைகளால் ஆட்சியாளர்களை நடுங்க வைத்த நக்கீரன் வாரமிருமுறை இதழ், திரையுலகிலும் பெரும் அதிர்வலை களை உண்டாக்கியதற்கு காரணம், தம்பி சக்திவேலின் கட்டுரைத் தொடர்கள்.

- இரா.த.சக்திவேல்

சினிக்கூத்து என்ற பெயரில் சினிமா செய்தி களை அவர் வழங்கிவந்த விதம், அதுவரை எந்தவொரு பத்திரிகையிலும் இல்லாத வகையிலும் கோலிவுட்டின் அகம்-புறம் இரண்டையும் அம்பலப்படுத்தும் உண்மை களுடன் வெளிவந்தன. சின்னச் சின்ன செய்திகள் தான். இரண்டு பக்க அளவில் வெளிவரும். அவை ஒவ்வொன்றும் ஆர்.டி.எக்ஸ். வெடிமருந்து திணிக்கப் பட்ட குண்டுகள் போல அதிரும். நக்கீரனில் திரையுல கம் தொடர்பான கவர் ஸ்டோரிகள், தொடர் கட்டுரை கள் என, தம்பி சக்திவேல் எழுதியவை அனைத்துமே அதிரடி ரகங்கள்தான். நக்கீரனில் அவருடைய சினிமா கட்டுரைகள் ஏற்படுத்திய தாக்கத்தின் விளைவாக, சினிக்கூத்து என்ற தனி இதழ் நக்கீரன் குழுமத்திலிருந்து வெளியாகத் தொடங்கியது. கையெறி குண்டு போன்ற வடிவத்தில் அதிலும் ஆர்.டி.எக்ஸ் மருந்தை பக்கத்துக்கு பக்கம் நிரப்பினார் நம் தம்பி.