காதலிக்க மறுத்த சிறுமி! கொளுத்திய காதலன்!

காதலைத் தொடர மறுத்த சிறுமியின் மீது மண்ணெண்ணெய் ஊற்றி தீ வைத்த காதலனின் ஆவேச வெறி, தூத்துக்குடி மாவட்டத்தின் எட்டயபுரம் ஏரியாவை அதிரவைத்திருக்கிறது.

- ப.இராம்குமார்

எட்டயபுரம் பக்கமாக உள்ள இளம்புவனம் கிராமத்தின் அய்யனார்- காளீஸ்வரி தம்பதிக்கு ஒரு மகள், இரண்டு மகன்கள். தனது கணவர் அய்யனாருடன் ஏற்பட்ட மன வேற்றுமை காரணமாக கடந்த 15 வரு டத்திற்கு முன்பே பிரிந்து பரமக்குடிக்குத் தன் பிள்ளைகளுடன் சென்ற காளீஸ்வரி, அங்கே வசித்தபடி கூலி வேலை செய்துவருகிறார்.

10-ஆம் வகுப்புவரை படித்த 17 வயதான காளீஸ்வரியின் மகளான சிறுமி சுந்தரியும், (சிறுமியின் பெயர் மாற்றப்பட்டுள்ளது) பக்கத்து வீட்டைச் சேர்ந்த சந்தோஷ் என்ற இளைஞரும் சிறுவயதிலிருந்தே நண்பர்களாகப் பழகிவந்திருக்கிறார்கள். கடந்த மூன்று வருடங்களுக்கு முன்பே இவர்களுடைய நட்பு காதலாக மாறியிருக்கிறது.

இளைஞர் சந்தோஷ் லாரிகளில் சரக்குகளை ஏற்றி இறக்குகிற தொழிலிலிருப்பவராம். அதோடு போதைப் பழக்கமும் இருந்திருக்கிறதாம். சந்தோஷுடனான மகளின் 'எப்படி வாழ்வான் என்று பார்க்கலாம்' என்பவர்களுக்கு மத்தியில், 'இப்படித்தான் வளர்ந்தேன்' என்று வாழ்ந்துகாட்டுங்கள்!

காதல் தாய் காளீஸ்வரிக்குத் தெரியவர பதறியவர், சந்தோஷின் குணாதிசயங்கள், போதை பழக்கங்கள் உள்ளிட்டவைகளை சுந்தரியிடம் எடுத்துச்சொன்னவர், 'வேண்டாம், நமக்குச் சரிப்படாது விட்டுடு' என்று கண்டித்திருக்கிறாராம். மகளும் அதனைப் புரிந்துகொண்டிருக்கிறார்.