சாரணர் இயக்க வைரவிழா! திருச்சியில் கோலாகலம்!

திருச்சி மாவட்டம், மணப்பாறை சிப்காட் வளாகத்தில் ஜனவரி 28 முதல் பிப்ரவரி 3ஆம் தேதி வரை பாரத சாரண, சாரணியர் இயக்கத்தின் 75வது ஆண்டு வைர விழா மற்றும் கலைஞர் நூற்றாண்டு நினைவு பெருந்திரளணி நடைபெறுகிறது.

- துரை.மகேஷ்

இவ்விழாவில் பங்கேற்க 25 மாநிலங்கள் மற்றும் 4 வெளிநாடுகளிலிருந்து 20,000க்கும் மேற்பட்ட சாரணர் இயக்கத்தினர் வருகைதந்துள்ளனர்.

ஜனவரி 28ஆம் தேதி செவ்வாயன்று, தமிழ்நாடு துணை முதலமைச்சர் உதயநிதி ஸ்டாலின், இவ்விழாவில் கலந்துகொள்ள வருகைதந்தார். அவர், கலைஞரின் நூற்றாண்டு விழா புகைப்படக் கண்காட்சியை தொடங்கி வைத்தார். அதற்கு முன்னதாக, காவல்துறையின் அணிவகுப்பு மரியாதையை ஏற்றுக்கொண்ட அவர், கலைஞரின் திருவுருவச் சிலைக்கும், திருவுருவப்படத்திற்கும் மலர் தூவி மரியாதை செலுத்தினார். புகைப்படக் கண்காட்சியில் கலைஞரின் 500க்கும் மேற்பட்ட புகைப்படங்கள் காட்சிப்படுத்தப்பட்டுள்ளன.