மோதிப் பார்! எடப்பாடிக்கு சவால்விடும் தளவாய்!

அ.தி.மு.க. அமைப்புச் செ.வும், குமரி மாவட்டத்தின் எம்.எல்.ஏ.வுமான தளவாய் சுந்தரத்தின் கட்சிப் பதவிகளை ஓவர் நைட்டில் எடப்பாடி பிடுங்கியிருப்பதன் பின்னணியில் ஆர்.எஸ்.எஸ்.ஸுடனான அவரது தொடர்பைக் காரணமாகப் பலரும் நினைக்கையில், காரணமே வேறு என்கிறார்கள் இலைக்கட்சி சீனியர்கள்.

- பி.சிவன்

இதுகுறித்து மேலும் கூறுகையில், "எடப்பாடிக்கும் தளவாய்க்குமிடையே மூன்று மாதங்களுக்கு முன்பே புகையத் தொடங்கிவிட்டதாம். ஓ.பி.எஸ். கட்சியிலிருந்து வெளியேற்றப்பட்ட நிலையில், தளவாய்சுந்தரம் எடப்பாடி பக்கமே நின்றிருக்கிறார். இதில், கட்சியின் முக்கிய புள்ளிகளான ஆர்.பி.உதயகுமார், கடம்பூர் ராஜூ, சேவூர் ராமச்சந்திரன், விஜயபாஸ்கர், மா.செ. இளங்கோ உள்ளிட்ட 13 பேர் எடப்பாடியிடம் ஒப்புக்கு அனுசரணையாகப் போனாலும், தளவாய் சுந்தரத்தின் நம்பிக்கையான சகாக் களாக இருக்கிறார்கள். இந்த சிதம்பர ரகசியமெல்லாம் அறியாதவரல்ல எடப்பாடி. அவரால் இந்தக் கூட்டணியை பகைத்துக்கொள்ள முடியாத சூழல். இந்தக் கூட்டணி தளவாயிடம் விசுவாசமாக இருந்தாலும், எடப்பாடியைப் பகைத்துக் கொள்ளாமல் அவருடனும் உறவாடி வருவதுண்டு.

கடந்த மாதத்திற்கு முன்பு எடப்பாடியைச் சந்தித்த விசுவாசிகள், தளவாய் கொஞ்சம் வில்லங்கமானவர். அம்மா கூட அவ தள்ளியே வைச்சிருந்தாங்க. அவர் மீது ஏகப்பட்ட கம்ப்ளைண்ட். அதனால் நீங்க தளவாய ஒங்ககூட கூட்டிப்போறத குறைச்சுக்குங்க' என மந்திரம் யோசிச்ச எடப்பாடியும், தளவாயை னழைத்துச் செல்வதைக் குறைக்கவே, விஷயம் தளவாய்க்குப் போக... அவர் முகம் ஜிவ்வென்றாகி விட்டது.