માત્ર આંકડા નહીં...ભારતના ભવિષ્યનો નકશો!

જનગણના-૨૦૨૭ શરૂ થઈ છે... આપણી, આપણા ઘરની વિગતો દેશની આબાદીનો અરીસો બની રહેશે.

- રાધિકા રાઓલ (અમદાવાદ)

ધરની ડોરબેલ વાગશે, સામે કોઈ અજાણી વ્યક્તિ હશે, પણ એના હાથમાં રહેલા રજિસ્ટર કે ટૅબમાં તમારા ઘરની નાનામાં નાની વિગતો દેશના ભવિષ્યનો ભાગ બનવાની છે. ઘરમાં કેટલા લોકો રહે છે? કેટલા રૂમ છે? પાણી, વીજળી, શૌચાલય જેવી સુવિધા કેટલી ઉપલબ્ધ છે? તમારા ઉત્તર માત્ર આંકડા નહીં હોય, પરંતુ ભારતના આવનારા દાયકાની દિશા નક્કી કરનારી માહિતી હશે.

સુજલ મયાત્રા: આ કામ કરનારા તમામ કર્મચારીઓને પૂરતી તાલીમ આપવામાં આવી છે.

હા, દેશની ૧૬મી અને આઝાદી પછીની આઠમી ઐતિહાસિક જનગણના-૨૦૨૭નો પ્રારંભ થયો છે. મહારાષ્ટ્ર સહિત કેટલાંક રાજ્યોમાં એની પ્રક્રિયા શરૂ થઈ ગઈ છે, તો ગુજરાતમાં ૧ જૂન, ૨૦૨૬થી ૩૦ જૂન, ૨૦૨૬ દરમિયાન ઘરયાદી અને મકાનોની ગણતરી (હાઉસ લિસ્ટિંગ ઑપરેશન-HLO) હાથ ધરવામાં આવશે.

આ પ્રક્રિયા વિશે વધુ જાણવા ચિત્રલેખાએ ગુજરાતના વસતિગણતરી નિયામક સુજલ જે. મયાત્રા સાથે વાતચીત કરી. પ્રસ્તુત છે એ વાતચીતના અંશ...

ચિત્રલેખાઃ ભારતની પ્રથમ ‘ડિજિટલ જનગણના’ થઈ રહી છે, તો ડેટા કલેક્શનની પ્રક્રિયા જૂની પદ્ધતિ કરતાં કેટલી અલગ છે?