પલક

વાનગીઓનાં વૈકુંઠમાં થતો વેડફાટ

- હિતેન આનંદપરા

બત્રીસ ભોજન બની રહ્યાં છે રાણા માટે

કોઈ વલખતું એક ટંકના ખાણા માટે.

- જિતુ પુરોહિત

સ્ટાટેર પનીર ટીકા, હરાભરા કબાબ, સ્ટ|વેજ કટલેટ ને એની ઉપર છીણેલો સૅલડ, કચોરી, ઢોકળાં, પાતરાં, સ્પ્રિંગ રોલ, વગેરે લગ્નસમારંભોમાં પીરસાય છે. એક તરફ, લગ્નની વિધિ ચાલતી હોય કે સત્કારસમારંભ ચાલતો હોય અને બીજી તરફ, હરતીફરતી વાનગી અનેક જીભને સમર્પિત થવા તત્પર હોય.

ડિનરની શરૂઆત થાય એટલે તેલથી લબાલબ ઊંધિયું, લાલચટક સેવ-ટમેટાનું શાક, રિંગણ-બટાટા કે તુવેર લીલવાનું શાક, વગેરે ભૂખને ભાવિવભોર કરી મૂકે. દાળ મખની કે પંચરત્ન દાળ પ્રોટીન પૂરું પાડવા પ્રયત્નશીલ હોય. વેજ બિરયાની, જીરા રાઈસ કે ખીચડી વેજ પુલાવ, પોતાનાં સત્ત્વ અને તત્ત્વ સાથે બિરાજમાન હોય.