શાંતિની સપાટી નીચે અશાંતિના ઊથલા

આક્રમણ, પ્રતિ-આક્રમણ, પ્રચારયુદ્ધ, મધ્યસ્થી, શસ્ત્રવિરામ, મંત્રણા, સુલેહ, સંધિ જેવો ઘટનાક્રમ પળે પળે બદલાતો હોય ત્યારે આમ જનતામાં અસમંજસ રહે એ ખરું, પણ એકંદરે

- સમીર પાલેજા (મુંબઈ)

પહલગામના આતંકી હુમલા પછી ભારતમાં બહુધા પાકિસ્તાન વિરોધી ભાવના પ્રબળ છે. અરે, અસાદુદ્દીન ઓવૈસી જેવા કટ્ટર મુસ્લિમ નેતા પણ પાકિસ્તાનને ભાંડવા માંડ્યા છે. બીજી તરફ, સાત મેએ ભારતે ગણતરીના કલાકોમાં પાકિસ્તાનની અનેક આતંકી છાવણી નષ્ટ કરી અને એ પછી દસ જેટલાં મિલિટરી ઍરપોર્ટ્સ પણ તબાહ કર્યાં એટલે સામાન્ય પાકિસ્તાની ભારત વિશે શું માને છે એ જાણવું રસપ્રદ રહે.

ચિત્રલેખાએ પાકિસ્તાનના જાણીતા સ્પોર્ટ્સ જર્નાલિસ્ટ અને કરાચીથી પ્રકાશિત થતા અખબાર વતન ગુજરાતીના તંત્રી શાહીદ ઉસ્માન સાટી સાથે વાર્તાલાપ કર્યો. વર્તમાન પરિસ્થિતિમાં પાકિસ્તાનમાં કેવી જનભાવના છે એ વિશે શાહીદભાઈએ સ્પષ્ટ અને નિખાલસ માહિતી આપી.

ચિત્રલેખાઃ સામાન્ય પ્રજા હાલની પરિસ્થિતિ માટે પાકિસ્તાનની સેના અને સરકારથી ખુશ છે?