એઆઈએફઃ રોકાણના આ વિકલ્પ વિશે જાણો છો?

શૅર, ડિબેન્ચર્સ, બૉન્ડ્સ, ગોલ્ડ, મ્યુચ્યુઅલ ફંડ, વગેરેમાં રોકાણ કર્યા બાદ શું હવે તમને વધુ અને નવા રોકાણસાધનની શોધ છે? તમારી પાસે મસમોટું બજેટ છે? જોખમ લેવાની તૈયારી છે? ઊંચા વળતર માટે ધીરજ રાખી શકો છો? તો, સંભવતઃ અહીં તમને એના ઉપાય મળી શકે.

- જયેશ ચિતલિયા

આદિત્ય સેશઃ આ બજાર વિકસતાં હજી સમય લાગશે.

ફાઈનાન્સિયલ માર્કેટ-કૅપિટલ માર્કેટમાં નાના-રિટેલ રોકાણકારો વિશે કાયમ ચર્ચા થતી રહેતી હોય છે. આ વર્ગ બહુ મોટો હોવાથી એ સ્વાભાવિક પણ છે. જો કે મોટા રોકાણકારો માટે પણ કેટલીક વાત વિશેષ મહત્ત્વની હોય છે, કારણ કે ભલે એમની સંખ્યા ઓછી હોય, પણ મૂડીસર્જનમાં એ રોકાણકારો મોટી ભૂમિકા ભજવે છે.

આપણે ત્યાં અત્યાર સુધી રોકાણ માટેનાં સાધનોમાં બૅન્કની ફિક્સ્ડ ડિપોઝિટ, પોસ્ટ ઑફિસ ડિપોઝિટ સહિતની વિવિધ સરકારી યોજના, ગોલ્ડ, રિયલ એસ્ટેટ-જમીન કે પ્રૉપર્ટીઝ, ઈન્સ્યોરન્સ, મ્યુચ્યુઅલ ફંડ, શૅર્સ-સ્ટૉક્સ, પેન્શન ફંડ, વગેરેનો સમાવેશ થાય છે, પરંતુ છેલ્લા કેટલાક સમયથી નવાં સાધન માર્કેટમાં આવી ગયાં છે. જો કે એના વિશે જાણકારી કે જાગૃતિ ઓછી છે. આ નવાં સાધન એ રોકાણના જુદા વિકલ્પ છે અને એમાં અત્યારે એઆઈએફ (ઑલ્ટરનેટિવ ઈન્વેસ્ટમેન્ટ ફંડ)નું નામ મોખરે આવી રહ્યું છે.

આપણા દેશમાં એઆઈએફ્ની અનેક સ્કીમ્સ છે. ટૂંકમાં, ભારતીય ફાઈનાન્સિયલ માર્કેટ વૈશ્વિક બનવા તરફ આગળ વધી રહી છે અને આ જ કારણે એઆઈએફ માટે ગિફ્ટ સિટીના દરવાજા વધુ ખુલ્લા કરવામાં આવ્યા છે.

એઆઈએફમાં ત્રણ કૅટેગરી