ജിഎസ്ടി മാറ്റങ്ങൾ കച്ചവടക്കാർ അറിയേണ്ടത്

ഈസ് ഓഫ് ഡൂയിങ് ബിസിനസ് മെച്ചപ്പെടുത്താനും ജിഎസ്ടിയിലുള്ള പൊതുജനവിശ്വാസം വർധിപ്പിക്കാനും സഹായകരമായ സുപ്രധാന തീരുമാനങ്ങളാണ് നടപ്പിലാക്കിയിരിക്കുന്നത്.

- അഡ്വ. കെ.എസ്.ഹരിഹരൻ കേരളാ ഹൈക്കോടതിയിലെ അഭിഭാഷകനാണ് ലേഖകൻ kshariharanandassociates@yahoo.​com

ജിഎസ്ടി കൗൺസിലിന്റെ 56-ാമത്തെ മീറ്റിങ്ങിൽ നിർദേശിച്ച രണ്ടു തരം മാറ്റങ്ങൾക്ക് നിയമപ്രാബല്യം വന്നു കഴിഞ്ഞു. സാധനങ്ങളുടെയും സേവനങ്ങളുടെയും നികുതി നിരക്കിലെ മാറ്റങ്ങളാണ് ഒന്നാമത്തേത് എങ്കിൽ ജിഎസ്ടി നിയമം കൂടുതൽ സുതാര്യവും കാര്യക്ഷമവുമാക്കാനുള്ള നിർദേശങ്ങളാണ് രണ്ടാമത്തേത്. ജിഎസ്ടിയുടെ നടപടിക്രമ ങ്ങൾ വേഗത്തിലും എളുപ്പത്തിലും പൂർത്തിയാക്കാനും സുതാര്യതയും ഈസ് ഓഫ് ഡൂയിങ് ബിസിനസ് മെച്ചപ്പെടുത്താനും ജിഎസ്ടിയിലുള്ള പൊതുജനവി ശ്വാസം വർധിപ്പിക്കാനും സഹായകരമായ സുപ്രധാന തീരുമാനങ്ങളാണ് നടപ്പിലാക്കിയിരിക്കുന്നത്.

ചരക്കുകളുടെയും സേവനങ്ങളുടെയും നികുതി നിരക്കി ലെ മാറ്റങ്ങൾ സെപ്റ്റംബർ 22മുതൽ പ്രാബല്യത്തിലായിട്ടുണ്ട്. അതേ സമയം സിഗരറ്റ്, പുകയില ഉൽപന്നങ്ങൾ അടക്കം ചുരുക്കം ഇനങ്ങളുടെ നികുതി വ്യത്യാസം പിന്നീടു പ്രഖ്യാപിക്കും.

അപ്പിൽ സംവിധാനം സജ്ജമാകുന്നു

ജിഎസ്ടി നടപ്പാക്കി 8 വർഷം കഴിഞ്ഞിട്ടും ജിഎസ്ടി ട്രൈബ്യൂണലിൽ അപ്പീൽ ഫയൽ ചെയ്യാനുള്ള സൗക ര്യങ്ങൾ ഇതുവരെ ആരംഭിച്ചിരുന്നില്ല. ഇതിനും ഇപ്പോൾ പരിഹാരമാകുന്നു. അപ്പീൽ ഫയൽ ചെയ്യാനുള്ള ക്രമീ കരണങ്ങൾ സെപ്റ്റംബറിൽത്തന്നെ പൂർത്തിയാകും. ജിഎസ്ടി അപ്പലേറ്റ് ട്രൈബ്യൂണലുകളിൽ ഡിസംബ റിൽ ഹിയറിങ്ങുകൾ തുടങ്ങും. ഫയൽ ചെയ്യാൻ ബാക്കിനിൽക്കുന്ന അപ്പീലുകൾ ജൂൺ 30 വരെ ഫയൽ ചെയ്യാമെന്ന സമയപരിധി നിശ്ചയിച്ചിട്ടുണ്ട്.

അഡ്വാൻസ് റൂളിങ്ങിന്റെ നാഷനൽ അപ്പലേറ്റ് അതോ റിറ്റിയായി ഡൽഹിയിലെ ജിഎസ്ടി പ്രിൻസിപ്പൽ ട്രൈബ്യൂണൽ ബെഞ്ച് മാറും.

റീഫണ്ട്: ബുദ്ധിമുട്ടുകളില്ലാതാകും