സ്റ്റോക്കില്ലാതെ സംരംഭകനാകാം ഡ്രോപ് ഷിപ്പിങ്ങിലൂടെ

കുറഞ്ഞ മൂലധനം, ഉൽപന്നങ്ങൾ പരീക്ഷിക്കാനുള്ള സാഹചര്യം എന്നിങ്ങനെ മികവുകൾ പലതാണ്.

- ഡോ സാജിദ് നാസർ

സ്വന്തമായി സാധനങ്ങൾ സൂക്ഷിക്കാതെ ഓൺ ലൈനായി വിൽപന നടത്തുന്ന രീതിയാണ് ഡോപ്ഷിപ്പിങ്. ഉപഭോക്താവ് ഫ്ലിപ്കാർട്ട്, ആമസോൺ എന്നിവയിൽ നിന്നോ സംരംഭത്തിന്റെ സമൂഹമാധ്യമ അക്കൗണ്ടു മുഖേനയോ ഉൽപന്നം വാങ്ങുമ്പോൾ, ആ ഓർഡർ സംരംഭകൻ വിതരണക്കാരന്/ ഉത്പാദകന് കൈമാറും; അയാൾ നേരേ ഉപഭോക്താവിന് അയയ്ക്കും.

ഇവിടെ ബ്രാൻഡ്, വില, ഉപഭോക്താവുമായുള്ള ബന്ധം ഇവ സംരംഭകന്റെ ഉത്തരവാദിത്തമാണ്. സംഭരണവും ഷിപ്പിങ്ങും വിതരണക്കാരന്റെ ഉത്തരവാദിത്തവും. അതായത്, സ്റ്റോക്കു ചെയ്യുമ്പോഴുണ്ടാകുന്ന പ്രശ്ന ങ്ങൾ സംരംഭകന് ഒഴിവാക്കാം.