എൻആർഐകൾക്ക് മ്യൂച്വൽഫണ്ടുകളിൽ എങ്ങനെ നിക്ഷേപം ആരംഭിക്കാം

നിങ്ങളുടെ ലക്ഷ്യങ്ങൾക്കനുസരിച്ചു വിവിധതരത്തിലുള്ള നിക്ഷേപങ്ങൾ തിരഞ്ഞെടുക്കാം

- 

പ്രവാസികൾക്ക് ഇന്ത്യൻ സ്റ്റോക് മാർക്കറ്റിൽ തങ്ങളുടെ നിക്ഷേപം വളർത്തുന്നതിനുള്ള ലളിതവും സുതാര്യവുമായ ഒരു മാർഗം, അതാ ണ് മ്യൂച്വൽ ഫണ്ടുകൾ. നിക്ഷേപം ആരംഭിക്കാൻ കാലങ്ങളോളം നിങ്ങൾ സ്റ്റോക് മാർക്കറ്റ് ട്രാക്ക് ചെയ്യുകയോ ഒരു ധനകാര്യ വിദഗ്ധനാവുകയോ ചെയ്യേണ്ടതില്ല. മറിച്ച്, വേണ്ടത് ചെറിയ ചില ചുവ ടുവകൾ മാത്രമാണ്. ഓഹരിയോ അതുപോലെ യുള്ള മറ്റു നിക്ഷേപങ്ങളോപോലെ നേരിട്ടു കൈകാ ര്യം ചെയ്യാതെതന്നെ കാലക്രമേണ നിങ്ങളുടെ നിക്ഷേപം വളർത്താൻ മ്യൂച്വൽ ഫണ്ടുകൾ സഹായിക്കുന്നു.

എങ്ങനെ ആരംഭിക്കാം?

ഘട്ടം 1: നിക്ഷേപം ആരംഭിക്കാൻ നിങ്ങൾക്ക് ഒരു ഇന്ത്യൻ ബാങ്കിൽ NRE അല്ലെങ്കിൽ NRO അക്കൗ ണ്ടുകളിലൊന്ന് ആവശ്യമാണ്.

NRE അക്കൗണ്ട്: നിങ്ങളുടെ വിദേശത്തുനിന്നുള്ള സമ്പാദ്യം നിലനിർത്തുന്നതിനുള്ള ഇന്ത്യയിലെ അക്കൗണ്ട്. നിക്ഷേപവും അതിന്റെ ലാഭവും നിങ്ങൾക്ക് വിദേശത്തേക്കു മുഴുവനായും തിരിച്ചെടുക്കാം (fully repatriable).

NRO അക്കൗണ്ട്: നിങ്ങളുടെ ഇന്ത്യയിലെ വരുമാനം ഇതിൽ സൂക്ഷിക്കാം, നിക്ഷേപവും ആരംഭിക്കാം. എന്നാൽ വിദേശത്തേക്കു പണം മാറ്റുന്നതിനു ചില നിബന്ധനകളും പരിധികളുമുണ്ട്.

ഘട്ടം 2: നിങ്ങളുടെ KYC (know your customer) പൂർത്തിയാക്കുക.