പലിശ കുറയുന്നു

ഭവനവായ്പ ആകർഷകമാക്കാൻ എന്തു ചെയ്യണം?

- 

പുതുവർഷത്തിൽ ആർബിഐ റിപ്പോ നിരക്ക് അര ശതമാനം കുറച്ചുകഴിഞ്ഞു. അടുത്ത ജൂണിലും നിരക്കു കുറയ്ക്കാം. വായ്പകളിലെല്ലാം ഇതു പ്രതിഫലിച്ചു തുടങ്ങി. ഏതാനും പാദങ്ങളിലായി വായ്പ പലിശ ഒരു ശതമാനമോ അതിലധികമോ കുറയാമെന്നാണ് വിലയിരുത്തൽ. വായ്പ എടുത്തവരും എടുക്കാനിരിക്കുന്നവരുമായി വലിയൊരു വിഭാഗത്തിന് ഇതുണ്ടാക്കുന്ന ആശ്വാസവും ആഹ്ലാദവും ചെറുതല്ല.

പുതുതായി വായ്പ എടുക്കുന്നവർക്കെല്ലാം സ്വാഭാവികമായും ഇനി കുറഞ്ഞ നിരക്കിലാകും വായ്പ ലഭിക്കുക. അതിനാൽ വായ്പ എടുത്ത് വീട്, വാഹ നം, വിദ്യാഭ്യാസം, വിവാഹം തുടങ്ങി വിവിധ ജീവിത ലക്ഷ്യങ്ങൾ കൈവരിക്കാൻ ആഗ്രഹിക്കുന്നവർക്ക് ഇത് അനുകൂല സമയമാണ്. അത്തരക്കാർ സാഹചര്യങ്ങൾ വിലയിരുത്തി ഏറ്റവും കുറഞ്ഞ നിരക്കിൽ വായ്പ നേടാൻ ശ്രദ്ധിക്കണം. തിരിച്ചടവും കൃത്യമായി ആസൂത്രണം ചെയ്യണം. പ്രത്യേകിച്ച് ഭവനവായ്പ്പോലെ നിങ്ങളുടെ ജീവിതത്തിന്റെ നല്ലൊരു കാലവും തിരിച്ചടവ് നീണ്ടുനിൽക്കുന്ന വായ്പകളിൽ. അതിനു സഹായകമായ വിവരങ്ങളാണ് ഇത്തവണ കവർ സ്റ്റോറിയിൽ ഉൾപ്പെടുത്തിയിരിക്കുന്നത്

എത്ര കുറയും?

50 ലക്ഷം രൂപ 20 വർഷ കാലാവധിയിൽ 8.65% നിരക്കിൽ വായ്പ എടുത്ത വ്യക്തിയുടെ മാസഗഡു 43,867 രൂപയായിരിക്കും. നിരക്ക് 8.15 ശതമാനമായി കുറഞ്ഞതോടെ ഇഎംഐ 42,290 രൂപയാകും. അതായത് മാസം 1,577 രൂപ കുറവ്.

15 ലക്ഷം രൂപ ഏഴുവർഷ കാലാവധിയിൽ 9.25 ശതമാനത്തിൽ വാഹന വായ്പ എടുത്ത വ്യക്തിക്ക് ഇഎംഐ 24,324 രൂപയിൽനിന്ന് 23,944 ആയി കുറ യും. മാസ ലാഭം 380 രൂപ.. എന്നാൽ, പൊതുവേ വായ്പ എടുത്തയാൾക്ക് ഇഎംഐ കുറച്ചു കൊടുക്കാറില്ല. മിക്ക ബാങ്കുകളും പലിശനിരക്കിലെ കുറവിന്റെ നേട്ടം മുതലിലേക്കു വരവു വയ്ക്കുകയാണു ചെയ്യുക. അതായത്, ഓരോ ഇഎംഐയിൽ നിന്നും അത്രയും തുക അധികമായി മുതലിൽ നിന്ന് കുറയ്ക്കും. അതുതന്നെയാണ് വായ്പ എടുത്തവർക്കും നല്ലത്. അതുവഴി വായ്പ കാലയളവ് കുറയും.

ബാങ്കുകളെല്ലാം വലിയ വായ്പകളിൽ റിപ്പോ ലിങ്ക്ഡ് നിരക്കാണ് ഈടാക്കുന്നത്. അതായത്, ഫ്ലോട്ടിങ് റേറ്റിൽ വായ്പ എടുത്തവർക്ക് ആർബിഐ നിരക്കു കുറച്ചാൽ വൈകാതെ അതിന്റെ നേട്ടം ഉറപ്പാക്കുന്ന സംവിധാനമാണിത്.

വായ്പ തിരിച്ചടവ് അറിയണം ഇക്കാര്യങ്ങൾ -