ക്രെഡിറ്റ് കാർഡിനെ കൂട്ടുകാരനാക്കാം

വൻ പലിശ ഈടാക്കുന്ന വായ്പാ ദാതാവ് എന്നതിലപ്പുറം നിങ്ങൾക്ക് ഏറെ പ്രയോജനം ചെയ്യുന്ന പല സേവനങ്ങളും ലഭ്യമാക്കുന്നുണ്ട് ക്രെഡിറ്റ് കാർഡ്

- സി.എസ്.രഞ്ജിത്ത് പ്രമുഖ കോളമിസ്റ്റും വേൾഡ് ബാങ്ക് കൺസൽറ്റന്റുമാണ് ലേഖകൻ.

ഏറ്റവും ചെലവേറിയ സാമ്പത്തിക സേവനമെന്നാണ് ക്രെഡിറ്റ് കാർഡുകളെ വിശേഷിപ്പിക്കുന്നത്. അതേസമയം ക്രെഡിറ്റ് കാർഡിലൂടെ ലഭിക്കുന്ന സേവനങ്ങൾക്കു പകരംവയ്ക്കാൻ ഇതു വരെ ബദലുകളും ഉണ്ടായിട്ടില്ല. ക്രെഡിറ്റ് കാർഡ് അധിഷ്ഠിത വായ്പകൾക്കു മുകളിൽ പലിശവരുന്ന വായ്പകൾ ഇല്ലതന്നെ. തിരിച്ചടവു തീയതിയൊന്നു തെറ്റിപ്പോയാൽ പലിശയും പിഴപ്പലിശയുമൊക്കെയായി കാർഡുടമ കടക്കെണിയിലാകുമെന്നതും ഉറപ്പ്. ഇതൊക്കെയാണെങ്കിലും കാർഡുകളിൽ ലഭിക്കുന്ന പ്രത്യേക ആനുകൂല്യങ്ങളും കാർഡുടമകളുടെ സാമ്പത്തികാവകാശങ്ങളും മനസ്സിലാക്കി കൃത്യമായ പ്ലാനിങ്ങോടെ, അച്ചടക്കത്തോടെ ഉപയോഗിക്കുന്നവർക്ക് അവ ജീവിതത്തിൽ ഒരിക്കലും ഒഴിവാക്കാനാകാത്ത സാമ്പത്തിക സേവനമായി മാറിയിട്ടുണ്ടാകും. ഏതു സാഹചര്യത്തിലും വിവിധ സാമ്പത്തികാവശ്യങ്ങൾക്ക് ആശ്രയിക്കാവുന്ന സുഹൃത്തായി ക്രെഡിറ്റ് കാർഡിനെ നിങ്ങൾക്കും ഉപ യോഗപ്പെടുത്താം. അതിനു സഹായകമായ വിവരങ്ങൾ അറിയാം.

യുപിഐയിലൂടെ പണം കൈമാറാം