സാമ്പത്തിക സ്വാതന്ത്ര്യം' ഫ്രീഡം എസ്ഐപിയിലൂടെ

എസ്ഐപിക്കൊപ്പം എസ്ഡബ്ല്യുപിയും ചേർന്ന പദ്ധതി റിട്ടയർമെന്റ് ലക്ഷ്യമാക്കി നിക്ഷേപിക്കുന്നവർക്ക് അനുയോജ്യമാണ്.

- സിനി കൊറയ മ്യൂച്വൽഫണ്ട് ഡിസ്ട്രിബ്യൂട്ടർ

നിക്ഷേപകരെ സാമ്പത്തിക സ്വാതന്ത്ര്യം നേടാൻ സഹായിക്കുക എന്ന ലക്ഷ്യത്തോടെ ഐസിഐസിഐ പ്രൂഡൻഷ്യൽ മ്യൂച്വൽഫണ്ട് അവതരിപ്പിച്ചതാണ് ഫ്രീഡം എസ്ഐപി. ചിട്ടയായ രീതിയിൽ നിക്ഷേപിച്ച് സമ്പത്തു വളർത്താനും ശേഷം അതു പിൻവലിക്കാനുമുള്ള അവസരമാണ് ഇതിലൂടെ ലഭിക്കുക. സിസ്റ്റമാറ്റിക് ഇൻവെസ്റ്റ്മെന്റ് പ്ലാനും (എസ്ഐപി) സിസ്റ്റമാറ്റിക് വിത്ഡ്രോവൽ പ്ലാനും സമന്വയിപ്പിക്കുന്ന ഉൽപന്നമാണ് ഫ്രീഡം എസ്ഐപി. മ്യൂച്വൽഫണ്ട് നിക്ഷേപത്തിൽ നിന്ന് ഒരു നിശ്ചിത സംഖ്യ കൃത്യമായ ഇടവേളകളിൽ പിൻവലിക്കുന്ന രീതിയാണ് എസ്ഡബ്ല്യുപി.