റിയൽ എസ്റ്റേറ്റ് നിക്ഷേപം ആശങ്കയില്ലാതെ റെറ ഒരു സൂപ്പർമാർക്കറ്റ്

കേന്ദ്ര സർക്കാർ 2016ൽ ആണ് റിയൽ എസ്റ്റേറ്റ് റെഗുലേഷൻ ആൻഡ് ഡവലപ്മെന്റ് ആക്ട് (റെറ) പാർലമെന്റിൽ പാസാക്കിയത്. അതിനെ തുടർന്ന് എല്ലാ സംസ്ഥാനങ്ങളിലും റിയൽ എസ്റ്റേറ്റ് ഡവലപ്മെന്റ് ആൻഡ് റെഗുലേറ്ററി അതോറിറ്റി രൂപീകരിച്ചു. കേരള റിയൽ എസ്റ്റേറ്റ് റെഗുലേറ്ററി ആൻഡ് ഡവലപ്മെന്റ് അതോറിറ്റി (കെ- റെറ) ചെലുത്തുന്ന സ്വാധീനം, ഈ മേഖലയുടെ ഭാവി എന്നിവയെക്കുറിച്ച് സംസാരിക്കുകയാണ് റെറ ചെയർമാൻ പി. എച്ച്. കുര്യൻ.

- 

സാധാരണക്കാർക്ക് റെറ കൊണ്ട് എന്താണ് നേട്ടം റിയൽ എസ്റ്റേറ്റ് മേഖലയെ നിയന്ത്രിക്കുന്ന അതോറിറ്റിയാണ് റെറ. എല്ലാ റിയൽ എസ്റ്റേറ്റ് പ്രോജക്ടുകളും റെറയിൽ റജിസ്റ്റർ ചെയ്യണമെന്നാണ് ചട്ടം. നിങ്ങൾ വാങ്ങാൻ ഉദ്ദേശിക്കുന്ന പ്രോജക്ട് റെറയിൽ റജിസ്റ്റർ ചെയ്തിട്ടുണ്ടോ എന്ന് ഉറപ്പാക്കണം. റെറയുടെ വെബ്സൈറ്റിലൂടെ അതു കണ്ടെത്താം.

മുറിയുടെ വലുപ്പം ഉൾപ്പെടെ പ്രോജക്ടിനെ സംബന്ധിച്ച എല്ലാ വിശദവിവരങ്ങളും സൈറ്റിൽ ലഭ്യമാണ്. എല്ലാ ബിൽഡർമാരുടെയും പ്രോജക്ടുകൾ ലിസ്റ്റ് ചെയ്തിട്ടുള്ള ഒരു സൂപ്പർ മാർക്കറ്റാണ് റെറ സൈറ്റ്. വിലകൊണ്ടും പ്ലാൻ കൊണ്ടും നിങ്ങൾക്ക് അനുയോജ്യമായവ റെറയിലൂടെ കണ്ടെത്താം. ശരിയായ തീരുമാനം എടുക്കാൻ ആളുകളെ സഹായിക്കുകയാണ് റെറ

 പ്രോജക്ടുകളുടെ എഗ്രിമെന്റിന് കൃത്യമായ നിബന്ധനകളുണ്ട്. വാങ്ങാനെത്തുന്നവരെ സംരക്ഷിക്കുന്ന തരത്തിലുള്ളതാണ് എഗ്രിമെന്റ്. അതിൽ പറയുന്ന സമയത്ത് പ്രോജക്ടു തീർത്തില്ലെങ്കിൽ കസ്റ്റമർക്ക് പലിശ ലഭിക്കും, പണം തിരികെ ആവശ്യപ്പെടുകയും ചെയ്യാം.

റെറ എങ്ങനെയാണ് സുതാര്യത ഉറപ്പാക്കുന്നത് ?