എം.ആർ.ഐ.സ്കാനിങ്

എക്സ് റേ കിരണങ്ങൾക്ക് പകരം കാന്തികതരംഗങ്ങളും റേഡിയോ തരംഗങ്ങളും ഉപയോഗിച്ച് സ്കാൻ ചെയ്യുന്ന സാങ്കേതികവിദ്യയാണ് എം.ആർ.ഐ.

- ഡോ.ടി.ജി.അഭിലാഷ് പ്രൊഫസർ എച്ച്.ഒ.ഡി. റേഡിയോഡയഗ്നോസിസിഭാഗം ഗവ.മെഡിക്കൽകോളേജ്, തൃശ്ശൂർ

ശരീരത്തിനുൾവശം ചിത്രങ്ങളായി കാണുന്ന ഇമേജിങ് സാങ്കേതികവിദ്യയാണ് എം.ആർ.ഐ.(Magnetic resonance imaging). രോഗനിർണയത്തിനും ചികിത്സാനിരീക്ഷണത്തിനും ഇത് ഉപയോഗിക്കുന്നു. ശക്തമായ കാന്തികമണ്ഡലവും ഉയർന്ന ഫ്രീക്വൻസിയിലുള്ള റേഡിയോ തരംഗങ്ങളും ഉപയോഗിച്ചാണ് എം.ആർ.ഐ. എടുക്കുന്നത്.

പ്രവർത്തനം

ഉയർന്ന കാന്തികശക്തി നൽകുന്ന വലിയ മാറ്റാണ് എം.ആർ.ഐ.യുടെ പ്രധാന ഘടകം. മുൻകാലങ്ങളിൽ സ്ഥിരകാന്തങ്ങൾ ആയിരു ന്നു ഉപയോഗിച്ചിരുന്നത്. എന്നാൽ സൂപ്പർ കണ്ടക്റ്റിങ് മാഗ്നറ്റുകളാണ് ഇപ്പോൾ ഉപയോഗിക്കുന്നത്. ഈ കാന്തങ്ങളുടെ താപനില അബ്സൊ ല്യൂട്ട് സീറോയിലായിരിക്കും (മൈനസ് 273). ഇതിനായി ദ്രവീകൃത ഹീലിയമാണ് ഉപയോഗിക്കുന്നത്. എം.ആർ.ഐ.യുടെ കാന്തത്തിന്റെ ശക്തി ടെസ്ല എന്ന യൂണിറ്റിലാണ് അളക്കുക. 0.5 മുതൽ 3 ടെസ്ല വരെ ശക്തിയുള്ള കാന്തങ്ങളാണ് സാധാരണമായി എം.ആർ.ഐ.യിൽ ഉപയോഗിക്കുന്നത്.