വെള്ളത്തിന് തുല്യം വെള്ളം മാത്രം

വെള്ളത്തോടുള്ള ആസക്തിയും വിരക്തിയും ഓരോരുത്തരിലും വ്യത്യസ്തമാണെങ്കിലും അതിന്റെ ആരോഗ്യപരമായ ആവശ്യകത എല്ലാവരിലും ഒരുപോലെയാണ്. ദിവസവും എത്ര ഗ്ലാസ് വെള്ളം കുടിക്കണം എന്ന ചോദ്യത്തിന്റെ ഉത്തരം 'ആക്ടീവ്, സണ്ണി, ടൈമിൽ രണ്ട് മണിക്കൂർ ഇടവിട്ട് മൂത്രവിസർജ്ജനം നടക്കത്തക്കവിധം എന്നതാണ്. അപ്പോൾ വേനലിൽ രണ്ട് മണിക്കൂർ ഇടവിട്ട് ഓരോ ഗ്ലാസ് വെള്ളം കുടിക്കണം എന്നു സാരം. എന്തു കുടിക്കണം എന്നതാണ് അടുത്ത ചോദ്യം. സോഡയും കൃത്രിമ പാനിയങ്ങളും ഒഴിവാക്കുക. വെള്ളത്തിനു പകരമായി വെള്ളം മാത്രം.

- ഡോ.ബിജു ചക്രപാണി

വെള്ള കോളർ ജോലിക്കാർ വെള്ളം കുടിയുടെ വീമ്പ് പറയുന്നതു കേട്ടാൽ വെള്ളം കുടിക്കാത്തവരും കുടിച്ചുപോകും. പലരും ഉച്ചവരെ 5 ലിറ്റർ വെള്ളം കുടിക്കുന്ന കണക്കുപോലും പറയാറുണ്ട്. പക്ഷേ, എരിവിന് പരിഹാരമായും തൊണ്ട വരളലിന് ഒറ്റമൂലിയായും എന്തെങ്കിലും വിഴുങ്ങാനും മാത്രം വെള്ളം കുടിക്കുന്നവരാണ് നമ്മളിൽ പലരും.

ഉഷ്ണരക്തമുള്ള, സ്ഥായിയായ ശരീരതാപം നിലനിർത്തുന്ന നട്ടെല്ലുള്ള സസ്തനികളുടെ ശരീ രഭാരത്തിന്റെ 70 ശതമാനവും വെള്ളത്തിന്റെ തു ക്കമാണ്. വിയർപ്പ്, ലവണതുലനം, വിസർജ്ജനം, സ്രവങ്ങളുടെ ഉല്പാദനം, താപപാലനം, പിഎച്ച് ബാലൻസിംഗ്, രക്തസാന്ദ്രത ആരോഗ്യകരമായി നിലനിർത്തൽ ഇങ്ങനെ ഒട്ടനവധി ശാരീരിക പ്രവർത്തനങ്ങൾക്ക് വെള്ളം അനിവാര്യമാണ്.