പഴം പുരാണം

അറിയുക, വാഴപ്പഴത്തിന്റെ ആരോഗ്യമേന്മകൾ

- ആഹാരം ആരോഗ്യം ഡോ. സുമ ദിവാകർ

വാഴക്കുലയില്ലാത്ത പഴക്കടയോ പച്ചക്കറിക്കടയോ കാണില്ല. അത്രത്തോളം നമ്മുടെ ദൈനംദിന ഭക്ഷണത്തിന്റെ ഭാഗമാണിന്ന് വാഴപ്പഴം. ഭക്ഷ്യവിഭവമായി മാത്രമല്ല, ആചാര, ആഘോഷവേളകളിൽ ഐശ്വര്യത്തി ന്റെ പ്രതീകമായും കുലവാഴയലങ്കാരങ്ങൾ കാണാം. തമി ഴ്നാടിന്റെ പൗരാണിക സംഘസാഹിത്യത്തിൽ മുക്കനി എന്നു വിശേഷിപ്പിക്കുന്ന മൂന്നു പഴങ്ങൾ മാമ്പഴം, ചക്ക പഴം, വാഴപ്പഴം എന്നിവയാണ്. അത്രത്തോളം പഴമയുണ്ട് നമ്മുടെ ഭക്ഷ്യശീലത്തിൽ വാഴപ്പഴത്തിന്. അലക്സാണ്ടർ ചക്രവർത്തി നൂറ്റാണ്ടുകൾക്കു മുൻപ് ഭാരതം ആക്രമിച്ചപ്പോൾ വാഴപ്പഴത്തിന്റെ രുചിയിൽ ആകൃഷ്ടനായി, മടങ്ങുമ്പോൾ കൂടെ കൊണ്ടുപോയി എന്നും ചരിത്രം.

ഒട്ടേറെ ഇനങ്ങളു ണ്ടെങ്കിലും നേന്ത്രൻ, പാളയംകോടൻ, ഞാലി പ്പൂവൻ, റോബസ്റ്റ, ക്വാഴ (ചെങ്കദളി), മൊന്തൻ, പടറ്റി, മട്ടി എന്നിവയാണ് കേരളത്തിൽ മുഖ്യമായും കൃഷിചെയ്യുന്നത്. വാണി ജ്യാടിസ്ഥാനത്തിൽ കൃഷി ചെയ്യുന്നത് നേന്തനും പാളയംകോടനും ഞാലി പൂവനുമാണ്. തെക്കൻ കേരളത്തിൽ പ്രചാരമുള്ള കപ്പപ്പഴം വിപണനമൂല്യമേറി യ ഇനമാണ്. കുന്നനും പടറ്റിയും ഔഷധഗുണമുള്ള ഇനങ്ങൾ. മട്ടിപ്പഴം തമിഴ്നാടിനോടു ചേർന്നുള്ള തെക്കൻ കേരളത്തിലാണ് കൂടുതലും കൃഷി.

ആരോഗ്യപ്പഴം