ഗുരുവും ശിഷ്യനും ഒരേ ഫ്രെയിമിൽ!

അച്ഛന്റെ വാത്സല്യത്തോടെ മമ്മൂട്ടിയുടെ നെഞ്ചിൽ തലചായ്ച്ചു നിൽക്കുന്ന മമ്മൂട്ടി. മകന്റെ സ്നേഹത്തോടെ, ബഹുമാനത്തോടെ ചേർത്തുനിർത്തുന്ന മമ്മൂട്ടി! ഇത് മലയാളത്തിന്റെ സുകൃത നിമിഷങ്ങൾ...

- 

ഇരുമ്പാണി തട്ടി മുളയാണി വച്ച് പൊൻകരം കൊണ്ട് ചുരിക വളക്കാൻ കൊല്ലന് പതിനാറു പണം കൊടുത്തവൻ ചന്തു... മാറ്റം ചുരിക ചോദിച്ചപ്പോൾ മറന്നു പോയെന്ന് കളവ് പറഞ്ഞവൻ ചന്തു... ഈ സംഭാഷണം കേൾക്കുമ്പോൾ, മലയാളികളുടെ മനസ്സിൽ നിറയുന്ന രണ്ടു പേരുകളുണ്ട്-എംടി, മമ്മൂട്ടി! മിതഭാഷിയായ എംടി തിരക്കഥകളിൽ വാചാലനായി. നന്നായി സംസാരിക്കുന്നവയാണ് എംടിയുടെ സിനിമകൾ എന്നുപറയാറുണ്ട്. കഥാപാത്രമായി മമ്മൂട്ടി എത്തിയപ്പോഴെല്ലാം, എംടിയുടെ വാചാലത കൂടിയോ എന്ന സംശയവുമുണ്ട്? മലയാള സിനിമയിലെ നാഴികക്കല്ലാണ് എംടി-ഹരി ഹരൻ കൂട്ടുകെട്ടിൽ എത്തിയ വടക്കൻ വീരഗാഥ! പാടിപ്പതിഞ്ഞ ചതിയനായ ചന്തുവിനെ ഇത്ര മനോഹരമായി ഹീറോ പരിവേഷം നൽകാൻ എംടിക്ക് അല്ലാതെ മറ്റാർക്കും കഴിയുമെന്നു തോന്നുന്നില്ല. പെരുന്തച്ചനിലും സംഭവിച്ചു സവിശേഷമായ ഈ എംടി മാജിക്!