સસરાવહુના અનૈતિક સંબંધ દુખદ આવે છે અંત

આવા સંબંધમાં બંને વસ્તુ બરાબર રહેતી હોય છે. ૧-૨ વાર આ સંબંધ ભલે ને દબાણ કે માન રાખવા બનતા હોય, પરંતુ ધીરેધીરે સસરાવહુ બંનેને સેક્સની લત કે આદત ગમે તે કહો પડે છે અને તેમાં તેમને એટલી મજા આવે છે કે તેઓ કોઈ પણ પરિણામની ચિંતા નથી કરતા હોતા

- ભારત ભૂષણ શ્રીવાસ્તવ

આખરે કુંદનકુમારે આત્મહત્યા કરી. કદાચ આ કાયરતા સિવાય તેને બીજો કોઈ માર્ગ દેખાતો નહોતો. જ્યારે પોતાના લોકો બેવફાઈ કે દગો કરે તો એક સમય પછી નફરત પોતાની લાચારી પર પણ થાય છે. થોડા દિવસ પછી જિંદગી એક બોજ બની જાય છે.

આ બધું કુંદનકુમાર સાથે ઘણા બધા દિવસથી થઈ રહ્યું હતું, જેણે પત્નીની બેવફાઈ અને કાકાની નફ્ફટાઈની સજા પોતાને આપતા દુનિયાને અલવિદા કહી દીધું.

પટણા બજાર વિસ્તારના ગામ રહેવાસી કુરથોલના આ નવયુવાનની પત્ની કોઈ યુવાન પ્રેમી અથવા જૂના યાર સાથે નહીં, પરંતુ પોતાના કાકા સસરા જશવંતસિંહ સાથે ભાગી ગઈ હતી. જ્યારે પાછળ રહી ગયા હતા મા માટે રોકકડ કરતા ૨ નિર્દોષ બાળકો અને પત્નીના આ કરતૂત પર કલ્પિત કરતો કુંદનકુમાર, જેની દુનિયામાં હવે અંધકાર છવાઈ ગયો હતો.

૨૨ મે, ૨૦૨૨ ના રોજ ઝેર ખાતા પહેલાં કુંદનકુમાર ન્યાય મેળવવા પોલીસ સ્ટેશન ગયો હતો, પરંતુ ત્યાંથી તેને હડધૂત કરીને ભગાડી દેવામાં આવ્યો હતો.

કુંદનકુમારની પત્ની અને કાકા વચ્ચે ક્યારે અને કેવી રીતે શારીરિક સંબંધ બંધાઈ ગયા, તેની તેને જાણ થઈ નહોતી. ઘરના વડીલ હોવાના લીધે અને ગામમાં રહેતા જશવંતસિંહના ઘરે જવુંઆવવું સામાન્ય હતું. કુંદનકુમારને તે સમયે ખૂબ ગુસ્સો આવ્યો હતો, જ્યારે ગામના કેટલાક લોકો પાસેથી તેને આ બાબતે સાંભળવા મળ્યું હતું.

પહેલા કુંદનકુમારને વિશ્વાસ થયો નહોતો કે પિતા સમાન કાકા પોતાની દીકરી સમાન વહુ સાથે શારીરિક સંબંધ બનાવી શકે છે અને પત્નીની મંજૂરી પણ તેમાં છે, પરંતુ જ્યારે આ વાત સાચી નીકળી ત્યારે તે ખૂબ ગુસ્સે થયો.

નિષ્ફળ ગયું સમજાવવું

કુંદનકુમારે વારાફરતી કાકા અને પત્નીને સમજાવ્યા કે આ યોગ્ય નથી, સંબંધની માનમર્યાદાની વિરુદ્ધ છે, પરંતુ પ્રેમમાં ગળાડૂબ આ કજોડા એ ધ્યાન આપ્યું નહીં. હદ તો ત્યારે થઈ, જ્યારે વધારે ટોકતા જશવંતસિંહે તેને જાનથી મારી નાખવાની ધમકી આપી દીધી.

જોકે આ વાત પહેલાંથી ફેલાઈ ગઈ હતી, તેથી કુંદનકુમારે પોલીસની મદદ લેવાનું વિચાર્યું, પરંતુ ત્યાંથી પણ નિરાશા જ મળી. સામે પોતાના જ હતા, તેથી તેણે તેમના ગુના અને ભૂલની સજા પોતાને આપી દીધી.

કુંદનકુમારના મોત પછી ગામના લોકોએ પોલીસની નીચતા અને બેદરકારી વિરુદ્ધ રસ્તા પર પ્રદર્શન કર્યું, ત્યારે પોલીસે તેની પત્ની અને કાકા વિરુદ્ધ આત્મહત્યા માટે ઉશ્કેરવાનો કેસ દાખલ કરી લીધો.