પૈસા બનાવે છે સ્વજનનાં દુશ્મન

કહેવાય છે કે પ્રેમ જિંદગીમાં નવા રંગ ભરે છે, પરંતુ પ્રેમના નામે કેટલાક એવા સંબંધ હોય છે, જે જીવનભર મુસીબત બનીને રહી જાય છે, જેના પરિણામ પરિવારજનોએ ભોગવવા પડે છે

- જયાદેવન આર.

તે દિવસની રાત્રે તે મારી રાહ જોઈ રહી હતી. મનમાં ચાલી રહેલી ચિંતાઓ અને પ્રશ્નોએ તેની બેચેનીને વધારી દીધી હતી. તેના મનમાં એક જ પ્રશ્ન હતો કે શું થયું હશે. આખરે તેને શાંતિ થઈ ગઈ, જ્યારે પ્રેમીનો ફોન આવી ગયો. તેની વાતો સાંભળીને એવું લાગ્યું હતું કે પતિની યાદોમાંથી બહાર આવશે અને ત્યાર પછી પોતાના પ્રેમી સાથે એક પ્રેમભરી જિંદગી વિતાવવાનું સપનું જોતા ઊંઘી ગઈ, પરંતુ આ સપનું થોડા સમયમાં તૂટી જશે, તે વાતનો તેને અંદાજ નહોતો. એક એવો પ્રેમ, જેણે માત્ર માનવતાનું ખૂન ન કર્યું, પરંતુ એક પરિવારને પણ બરબાદ કરી દીધો.

પ્રથમ મુલાકાત

વાત વર્ષ ૨૦૧૩ ની છે. મોહનદાસની ૩૪ વર્ષની પત્ની સીમા કેરળના મુખ્ય શહેર કોચ્ચિમાં એક કંપનીમાં કામ કરતી હતી. તે ઓફિસ ટાવરમાં ગિરીશ એક ગારમેન્ટ શોપમાં એકાઉન્ટન્ટની જોબ કરતો હતો.

એક જ બિલ્ડિંગમાં કામ કરવાના લીધે સીમા અને ગિરીશની મુલાકાત થઈ હતી અને ત્યાર પછી મિલનમુલાકાતનો સિલસિલો શરૂ થઈ ગયો હતો. થોડા જ સમયમાં તેમની મિત્રતા પ્રેમનું રૂપ લઈ ચૂકી હતી. તેઓ એકબીજા સાથે સુખદુખ વહેંચતા હતા.

સીમાએ ગિરીશને પોતાના દેવા વિશે જણાવ્યું. સીમાએ પૈસાની મદદ માટે ગિરીશ સાથે મિત્રતા કરી હતી. ગિરીશે ઘણી વાર સીમાની માગણી મુજબ પૈસાની મદદ પણ કરી હતી અને ક્યારેય આપેલી આ રકમ પાછી માગી નહોતી.

આ રીતે સીમાની ઘણી બધી જરૂરિયાતો પૂરી થવા લાગી. ગિરીશ વિશે સીમાએ મોહનદાસને જણાવ્યું તો હતું, પરંતુ તે વાસ્તવિકતાથી અજાણ હતો. મોહનદાસને આ સંબંધમાં કોઈ છૂપી વાતનો અનુભવ થયો નહોતો.

મિત્ર બનીને ગિરીશ વેકેમથી અર્નાકુલમ સુધી દરરોજ બાઈક પર આવતો જતો હતો. સીમા સાથેના સંબંધને જાળવી રાખવા માટે ગિરીશ વધારે ને વધારે પૈસા કમાવાની કોશિશ કરતો રહેતો અને તેના માટે તેણે પોતાની ઓફિસમાં હેરફેર શરૂ કરી દીધી હતી.

એકાઉન્ટન્ટ હોવાથી ગિરીશ ખૂબ જલદી લાખો રૂપિયાની હેરફેર કરવામાં સફળ પણ થયો અને તેણે આ બધા પૈસા સીમાના એકાઉન્ટમાં ટ્રાન્સફર કરી દીધા હતા.

શરૂઆતમાં સીમા એ વાતથી અજાણ હતી કે ગિરીશ પાસે આ પૈસા ક્યાંથી આવી રહ્યા છે. જોકે મોહનદાસે પણ આ વિશે ક્યારેય પૂછ્યું નહોતું. પછી તેમણે ૧૭ લાખની ગાડી ખરીદી લીધી.