പ്രിയ ഗീതങ്ങളുടെ ഉത്രാടപ്പൂനിലാവ്

കലയെ ലഹരിയാക്കുക

- കാർത്തിക

പാട്ടുകൾ കേൾക്കാനും പാടാനും ഇഷ്ടമായതുകൊണ്ടു തന്നെ ഓണം എന്നുകേൾക്കുമ്പോൾ തരംഗിണിയാണ് ഓർമ്മയിൽ എന്നും തങ്ങിനിൽക്കുന്നത്.

ഉത്സവങ്ങളൊക്കെ കഴിഞ്ഞ് ഒരു ഗ്യാപ്പ് വന്നശേഷം എന്നെപ്പോലെയുള്ള പല കലാകാര ന്മാരും കാത്തിരിക്കുന്ന വേദിയാണ് ഓണം.

അന്നൊക്കെ കൂടുതൽ സിനിമകൾ റിലീസാകുന്നതും കൂടുതൽ പാട്ടുകൾ ഇറങ്ങുന്നതുമെല്ലാം ഓണം ലക്ഷ്യമാക്കിയായിരുന്നു. കാസറ്റുകളായിരുന്നല്ലോ അന്ന് വിപണി കീഴടക്കിയിരുന്നത്. തരംഗിണിയിലൂടെ ദാസേട്ടന്റെ ഓണപ്പാട്ടുകൾക്കായി കാത്തിരുന്ന ആ കാലം എത്ര ഹൃദയസ്പർശിയായിരുന്നു. ദാസേട്ടന്റെ പാട്ടുപോലെ

അന്നും ഇന്നും എന്നും കേൾക്കാൻ ആഗ്രഹിക്കുന്ന ഓണപ്പാട്ട് എനിക്ക് ഉത്രാടപ്പൂനിലാവ് തന്നെയാണ്. അതിനു പകരം വയ്ക്കാൻ മറ്റൊരു പാട്ട് ഉണ്ടായിട്ടുണ്ടോ എന്നുതന്നെ എനിക്ക് സംശയമാണ്. എസ്.ജാനകി ടീച്ചർ പാടിയ ഒരു നുള്ള് കാക്കപ്പൂ കടം തരുമോ എന്ന പാട്ടും അതുപോലെ തന്നെ ഓർമ്മകളിൽ തങ്ങി നിൽക്കുന്നു.

ഓണത്തോടൊപ്പം ഓർമ്മകളിൽ തങ്ങി നിൽക്കുന്നതാണ് വള്ളംകളി. പായിപ്പാട്ടാറ്റിൽ വള്ളംകളി എന്ന ഗാനവും അകലങ്ങളിലുള്ള നമ്മുടെ പ്രിയപ്പെട്ടവരെ കുറിച്ചുള്ള ഓർമ്മകൾ, അവരുടെ അസാന്നിധ്യം നമുക്ക് ഫീൽ ചെയ്യുന്ന പാട്ടുകളിൽ ഏറ്റവും പ്രിയപ്പെട്ടതാണ്

ഉത്രാടരാത്രിയിൽ ഉണ്ണാതെ ഉറങ്ങാതെ എന്റെ ഉണ്ണീടച്ഛനെ കാത്തിരുന്നു. പിന്നെ നമുക്കറിയാലോ എന്നും ജനപ്രിയമായ കേരളം കേരളം കേളികൊട്ടുയരുന്ന കേരളം ഈ പാട്ടുകളൊക്കെയാണ് ഓണമെന്ന് കേൾക്കുമ്പോൾ മനസ്സിലേക്ക് ഓടിയെത്തുന്നത്.

കൊല്ലം കരുനാഗപ്പള്ളി തഴവയിൽ പ്രിയത്തിലിരുന്ന് പ്രശസ്ത ഗായികയും ജീവകാരുണ്യ പ്രവർത്തകയും ദുബൈ റേഡിയോ ഏഷ്യയിലെ പ്രോഗ്രാം പ്രൊഡ്യൂസറും ആർ.ജെയുമായിരുന്ന കെ.എസ്. പ്രിയ തന്റെ പാട്ടോർമ്മകളും ഓണവിശേഷങ്ങളും വായനക്കാരുമായി പങ്കുവയ്ക്കുകയാണ്.

ദാസേട്ടനോടൊപ്പം

ഗാനഗന്ധർവ്വനോടൊപ്പം പാടാൻ എനിക്ക് വളരെ യാദൃച്ഛികമായിട്ടാണ് അവസരം ലഭി ച്ചത്.