പുതിയ സിനിമാരീതികൾ റിസൾട്ട് ഓറിയന്റഡാണ് നിയാസ്

വർഷങ്ങൾക്ക് മുമ്പ് ക്ഷണക്കത്ത്' എന്ന സിനിമയിൽ നായകനായി അരങ്ങേറ്റം കുറിക്കുമ്പോൾ ഈ നടനെ വേറിട്ടു നിർത്തിയിരുന്നത് കണ്ണുകളായിരുന്നു. നക്ഷത്രത്തിളക്കമുള്ള കണ്ണുകളുള്ള നടൻ നിയാസ്.

- ജി. കൃഷ്ണൻ

ഇന്നും നിയാസിനെ തിളക്കമുള്ള കണ്ണുകളുടെ പേരിൽ അടയാളപ്പെടുത്തുന്നുണ്ട്.

ആഷിക് അബു സംവിധാനം ചെയ്യുന്ന "റൈഫിൾ ക്ലബ്ബാണ് നിയാസിന്റെ ഏറ്റവും പുതിയ സിനിമ.

നിയാസിന് ഈ സിനിമയിൽ ഒരു ജ്യേഷ്ഠസഹോദരന്റെ വേഷമാണ്. അനുജനായി അഭിനയിക്കുന്നത് വിനീത്കുമാർ. ഇരുവരെയും ചേർത്തു നിർത്തിയാൽ സഹോദരന്മാർ എന്ന നിലയിൽ വിനീതിന്റെ കണ്ണുകളിലുമുണ്ട്, ആ നക്ഷത്രക്കണ്ണുകളുടെ തിളക്കം.

മുണ്ടക്കയത്തിനടുത്തുള്ള കുപ്പക്കയം എസ്റ്റേറ്റിലെ ബംഗ്ലാവിൽ ഈ സിനിമയുടെ ഷൂട്ടിംഗ് നടക്കുന്നതിനിടയിലാണ് നിയാസ് "നാന'യോട് സംസാരിച്ചത്.

സിനിമയിൽ ഈ റൈഫിൾ ക്ലബ്ബ് സ്ഥിതി ചെയ്യുന്നത് സുൽത്താൻ ബത്തേരിയിലാണ്. കുറെപ്പേർ ഈ ക്ലബ്ബിലെ അംഗങ്ങളും ഇവിടുത്തെ താമസക്കാരുമാണ്. ഇവിടേക്ക് വന്നുചേരുന്ന മറ്റുചിലരുണ്ട്. അങ്ങനെ കാസർഗോഡ് നിന്നും വന്നുചേരുന്ന രണ്ട് സഹോദരങ്ങളായിട്ടാണ് നിയാസും വിനീതും അഭിനയിക്കുന്നത്.

ഷാജഹാനും

ഷാനവാസും.