നല്ല സിനിമകൾ ഓടുന്നില്ല വിജയ്ബാബു

ഒരു പ്രൊഡ്യൂസർ എന്ന നിലയിൽ എല്ലാ ഭാഷയിലെ സിനിമകളെയും ഞാൻ അംഗീകരിക്കും. കേരളത്തിൽ അവ പ്രദർശിപ്പിക്കുന്നതിന് എനിക്ക് വിയോജിപ്പ് ഒന്നുമില്ല

- അപ്പൂസ് കെ.എസ്

നടീനടന്മാരുടെ ഉയർന്ന പ്രതിഫലം പ്രൊഡ്യൂസർമാർക്ക് വലിയ ഒരു ചെലവ് തന്നെയാണോ?

തീർച്ചയായും, 2010 ൽ ആണ് സാറ്റലൈറ്റ് ബൂം കൊണ്ടുവരുന്നത്. അതുവരെ കേരളത്തിൽ സാധാരണ പ്രതിഫലം മാത്രമേ വാങ്ങിയിരുന്നുള്ളൂ. അതിന് ശേഷം റവന്യൂ സ്ട്രീം വരുന്നു. നടി നടന്മാർക്ക് അവർക്ക് വന്നിട്ടുള്ള റേറ്റിംഗിന് അനുസരിച്ച് അവരുടെ പ്രതിഫലം നിശ്ചയിക്കാം എന്ന അവസ്ഥയായി.

സിനിമയുടെ കണ്ടന്റിൽ നിലവാരം നോക്കി മാത്രമേ ആ സിനിമ തിയേറ്ററിൽ പ്രദർശിപ്പിക്കണോ വേണ്ടയോ എന്ന് തീരുമാനിച്ചു എന്ന തീയേറ്റർ ഉടമകളുടെ തീരുമാനത്തെ എങ്ങനെ കാണുന്നു?

തിയേറ്റർ അസോസിയേഷന് സ്ക്രിപ്റ്റ് കൊടു ക്കാം. ചില തിയേറ്ററുകാർ സിനിമ തെരഞ്ഞെടുക്കുന്നതിൽ വലിയ ശ്രദ്ധാലുക്കളായിരിക്കും. അവർക്ക് സ്ക്രിപ്റ്റ് കൊടുക്കുന്നതുകൊണ്ട് കുഴ പ്പമില്ല. പക്ഷേ ചിലർക്ക് സ്ക്രിപ്റ്റിനെപ്പറ്റി വലിയ ധാരണ കാണില്ല. ഏത് സിനിമയാണ് തിയേറ്ററിൽ വിജയിക്കുക എന്ന് മുന്നേ നിശ്ചയിക്കുക എളുപ്പമല്ല .ഒരു പൊട്ട സിനിമ ആരെങ്കിലും പ്രൊഡ്യൂസ് ചെയ്യുമോ? അതിൽ ആരെങ്കിലും അഭിനയിക്കുമോ? അത്രയും ആലോചിച്ചാൽ മതി ഇവർക്ക്.