നയംമാറ്റത്തിന്റെ പോളിഷ് പഞ്ച്

തീവ്രവലതുപക്ഷ അനുഭാവിയും ദേശീയവാദിയുമായ കരോൾ നവറോക്കി പോളണ്ടിന്റെ പുതിയ പ്രസിഡന്റ്

- ശ്വേത എസ്.നായർ

ചരിത്രവും പോരാട്ടവുമെല്ലാമായി ബന്ധപ്പെട്ടിരിക്കുന്ന പോളണ്ടിന്റെ നായകസ്ഥാനത്ത് ഇനി ചരിത്രവും ബോക്സിങ്ങും ഒരേപോലെ ഇഷ്ടപ്പെടുന്ന കരോൾ നവറോക്കിയുടെ ഊഴം. പോളണ്ടിന്റെ പുതിയ പ്രസിഡന്റായി തിരഞ്ഞടുക്കപ്പെട്ട നവ്റോക്കി ലോ ആൻഡ് ജസ്റ്റിസ് പാർട്ടിയുടെ പിന്തുണയുള്ള സ്വതന്ത്ര സ്ഥാനാർഥിയായാണു മത്സരിച്ചത്. പ്രസിഡന്റ് തിരഞ്ഞെടുപ്പിൽ യൂറോപ്യൻ അനുകൂല ലിബറൽ സഖ്യത്തിന്റെ സ്ഥാനാർഥിയും വാഴ്സ് മേയറുമായ റഫാൽ ട്രസ്കോവ്സ്കിയെയാണു പോളിഷ് ദേശീയവാദിയായ നവ്റോക്കി പരാജയപ്പെടുത്തിയത്. പോളണ്ട് ഫസ്റ്റ്' എന്ന ആശയത്തിലൂന്നിയായിരുന്നു നാൽപ്പത്തിരണ്ടുകാരനായ നവ്റോക്കി തിരഞ്ഞെടുപ്പിൽ നേട്ടം കൊയ്തത്. നിലവിലെ പ്രസിഡന്റും പിഐഎസ് നേതാവുമായ ആ ഡുഡ് ഓഗസ്റ്റ് ആറിനു സ്ഥാനമൊഴിയുന്നതോടെ നവ്റോക്കി ചുമതലയേൽക്കും.

മിഷൻ നവ്റോക്കി