ബഹിരാകാശത്തെ സുനിതാലയം

വ്യക്തി വിശേഷം വാർത്തയിലെ വ്യക്തിമുദ്രകൾ

-  ശ്വേത എസ്.നായർ

രാജ്യാന്തര ബഹിരാകാശ നിലയത്തിലെ 'ജീവിതം' 6 മാസം പിന്നിടുമ്പോൾ വാർത്തകളിൽ നിറഞ്ഞ് ഇന്ത്യൻ വംശജയായ സുനിത വില്യംസ്

ഭൂമിയിൽ നിന്നു മുന്നൂറിലധികം കിലോമീറ്റർ അകലെയുള്ള രാജ്യാന്തര ബഹിരാകാശ നിലയത്തിൽ നിന്നു "ജന്മഗ്രഹത്തിലേക്കുള്ള മടക്കം എന്നെന്നറിയാതെ ദിവസങ്ങളെണ്ണുകയാണ് ഇന്ത്യൻ വംശജയായ ബഹിരാകാശ സഞ്ചാരി സുനിത വില്യംസ്. ജൂൺ 5ന് 8 ദിവസത്തെ ഗവേഷണപരിപാടികൾക്കായാണു സുനിതയും സഹയാത്രികൻ ബുച്ച് വിൽമോറും ബോയിങ്ങിന്റെ സ്റ്റാർലൈനർ പേടകത്തിൽ ഐഎസ്എസിലെത്തിയത്. പക്ഷേ, പേടകത്തിന്റെ സാങ്കേതികത്തകരാർ മൂലം ബഹിരാകാശവാസം അനന്തമായി നീണ്ടുപോകുകയാണ്. ഡിസംബർ 5 നു ബഹിരാകാശ നിലയത്തിലെ "താമസം 6 മാസം പിന്നിട്ട് ഈ ദൗത്യത്തിൽ തന്റെ പിറന്നാളും (സെപ്റ്റംബർ 19) ക്രിസ്മസുമെല്ലാം ഭൂമിക്കപ്പുറം ആഘോഷിക്കുകയാണു 59-കാരിയായ സുനിത വില്യംസ്.

റെക്കോർഡുകളുടെ സഹയാത്രിക