பிடிச்சிக்கோ...

ஒன்றாம் வகுப்பிலிருந்து அந்த ஆறு பேரும் ஒன்றாகப் படிக்கின்றார்கள். இப்போது ஆறாம் வகுப்பிற்குச் சென்று ஒரு மாதம் கடந்துவிட்டது. அதே பள்ளி வளாகம். ஆறு பேருமே மாலை வேளையில் ஒன்றாக விளையாடுவது வழக்கம். அன்று ஒன்றாகக் கூடினாலும் அனைவரும் அமைதியாகவே இருந்தனர். காலையில் அவர்கள் பள்ளியில் நடந்த காட்சிகளை மனதிற்குள் ஓட்டிக்கொண்டு இருந்தனர்

- விழியன்

"எப்படித் தினமும் அவளால் பள்ளிக்கு வரமுடியும்?" என பேச்சு துவங்கியது. அவள் என்பது சூர்யாவைக் குறித்தது. சூர்யா இன்று காலையில் தான் வகுப்பில் சேர்ந்தாள். சில கிலோமீட்டர் தொலைவில் இருக்கும் கிராமத்தில் அய்ந்தாம் வகுப்பு வரையில் படித்துள்ளாள். அங்கே ஆறாம் வகுப்பு இல்லை. அருகாமையிலுள்ள சில பள்ளிகளில் தேடிவிட்டு இங்கே வந்திருக்கின்றாள்.