മഴകൊണ്ടാൽ ജലദോഷം ഉറപ്പ്

കേട്ട പാതി, കേൾക്കാത്ത പാതി വിശ്വസിക്കാനും അതനുസരിച്ചു പ്രവർത്തിക്കാനും . പലരുമുണ്ടാകും. അത്തരക്കാരിൽ നമ്മളില്ല.

- വിജയകുമാർ ബ്ലാത്തൂർ

ഭൂമിയിൽ ഏറ്റവും കൂടുതൽ ആളുകൾക്ക് പിടിപെടുന്ന രോഗമാണ് ജലദോഷം. ചികിത്സിച്ചാൽ ഒരാഴ്ചകൊണ്ടും ഇല്ലെങ്കിൽ ഏഴുദിവസം കൊണ്ടും മാറുന്ന രോഗം എന്നൊക്കെ കളിയാക്കി പറയാറുണ്ട്. കോമൺ കോൾഡ്, വെറും കോൾഡ്, തണുപ്പ്, ജലദോഷപ്പനി, വൈറൽ ഫീവർ എന്നൊക്കെ പറയുന്നത് ഇതിന്റെ തന്നെ പലപല രൂപങ്ങളെ ആണ്. മുതിർന്നവർക്ക് വർഷത്തിൽ രണ്ടുമൂന്നു തവണയും കുട്ടികൾക്ക് ഏഴെട്ട് തവണയും ജലദോഷം വരുന്നത് സാധാരണമാണ്. മൂക്കൊലിപ്പ്, മൂക്കടപ്പ്, തുമ്മൽ, ചുമ, തൊണ്ടവേദന, തലവേദന, ശരീരവേദന എന്നിവ കൂടാതെ ചിലപ്പോൾ മോശമില്ലാത്ത പനിയും കൂടി ഉണ്ടാവും.