സ്വപ്നങ്ങളെ യാഥാർത്ഥ്യമാക്കി വിജയത്തിലേക്കുള്ള ജൈത്രയാത്ര എൻ എം പണിക്കർ

ദുബായ് വ്യാപാരത്തിന്റെയും വ്യവസായത്തിന്റെയും മുഖ്യകേന്ദ്രമായി അതിവേഗം വളർന്നു കൊണ്ടിരുന്ന കാലഘട്ടമായിരുന്നു 1970 കളുടെ അവസാനം. ഈ അവസരം മുതലെടുക്കുന്നതിൽ രണ്ടാമതൊന്ന് ആലോചിക്കാതെ പണിക്കർ മറൈൻ റിപ്പയർ ആൻഡ് സർവ്വീസ് ഇൻഡസ്ട്രിയിൽ പ്രവേശിച്ചു.

- 

ശാന്തമായ കടൽ ഒരിക്കലും വിദഗ്ദ്ധനായ ഒരു നാവികനെ സൃഷ്ടിക്കില്ല. ഈ പഴഞ്ചൊല്ല്, മിഡിൽ ഈസ്റ്റിലെ പ്രവാസി മലയാളികൾക്കിടയിലെ ഇതിഹാസമായ എൻ എം പണിക്കരുടെ കാര്യത്തിൽ അക്ഷരാർഥത്തിൽ സത്യമാണ്. പതിറ്റാണ്ടുകൾക്ക് മുമ്പ് അതായത് 1978-ൽ വെറും 800 ദിർഹവുമായി യുഎഇയുടെ തീരത്ത് തുടങ്ങിയ സംരംഭകത്വയാത്ര, ഇന്ന് ദുബായ്, ഇന്ത്യ, ചൈന,ഫിലിപ്പൈൻസ്, ഇറ്റലി എന്നിവിടങ്ങളിൽ വ്യാപിച്ചുകിടക്കുന്ന ഒരു അന്താരാഷ്ട്ര മറൈൻ വ്യവസായത്തിന്റെ നായകത്വത്തിൽ എത്തി നിൽക്കുന്നു. വാസ്തവത്തിൽ, വിജയം ഒരു ശതമാനം പ്രചോദനവും 99 ശതമാനം വിയർപ്പും ആണെന്ന് അദ്ദേഹം തന്റെ ജീവിതം കൊണ്ട് തെളിയിച്ചു. മറ്റ് കുടിയേറ്റ തൊഴിലാളികളോടൊപ്പം യുഎഇയിലെ എസി ഇല്ലാത്ത ചൂടുള്ള കുമ്മായം പൂശിയ വീട്ടിൽ നിന്ന്, മറൈൻ വ്യവസായലോകത്ത് ഒരു സാമ്രാജ്യം കെട്ടിപ്പടുത്തത് നിശ്ചയദാർഢ്യവും വിശകലന കഴിവുകളും കൊണ്ട് മാത്രമാണ്.

ഒരു എളിയ തുടക്കം

കേരളത്തിലെ കൊല്ലം ജില്ലയിലെ ചെമ്മക്കാട് ഗ്രാമത്തിൽ ഒരു ഇടത്തരം കുടുംബത്തിലെ ഏഴ് മക്കളിൽ നാലാമനായിരുന്നു എൻ എം പണിക്കർ. ദാരിദ്ര്യവും പ്രതികൂലസാഹചര്യങ്ങളുമായിരുന്നു ചെറുപ്പകാലത്ത് അദ്ദേഹത്തിന് നേരിടേണ്ടിവന്നത്. 1950-കളിലെ ഗ്രാമീണ കേരളത്തിൽ അവസരങ്ങൾ വളരെ കു റവായിരുന്നതിനാൽ സാധാരണക്കാരുടെ ജീവിതം ഏറെ ദുഷ്കരമായിരുന്നു. ഇല്ലായ്മകളിൽ നിന്ന് മോചനം നേടാനുള്ള തീക്ഷ്ണമായ ദൃഢനിശ്ചയം പണിക്കരിൽ ചെറുപ്പം മുതലേയുണ്ടായിരുന്നു. വിദ്യാഭ്യാസമല്ലാതെ മറ്റൊന്നും തനിക്ക് കൈമുതലായില്ലായിരുന്നുവെന്നും സത്യസന്ധതയും കഠിനാധ്വാനവും ഒരു ദിവസം തന്റെ സ്വപ്നങ്ങളിലേക്ക് തന്നെ എത്തിക്കുമെന്ന് ശക്തമായി വിശ്വസിച്ചിരുന്നുവെന്നും അദ്ദേഹം വ്യക്തമാക്കുന്നു. ഈ തീവ്രാഭിലാഷമാണ് ഇൻഡസ്ട്രിയൽ ട്രെയിനിംഗ് ഇൻസ്റ്റിറ്റ്യൂട്ടിൽ നിന്ന് മെഷീൻ ഓപ്പറേഷനിൽ ഡിപ്ലോമ പൂർത്തിയാക്കുന്നതിലേക്ക് അദ്ദേഹത്തെ നയിച്ചത്. നാഷണൽ അപ്രന്റിസ്ഷിപ്പോടെ ഇന്ത്യയുടെ വടക്കൻ സംസ്ഥാനങ്ങളിൽ കരിയർ ആരംഭിച്ച അദ്ദേഹത്തിന്റെ മെഷിനറി പ്രവർത്തനങ്ങളിലുള്ള വൈദഗ്ധ്യം ശോഭനമായ ഭാവിയിലേക്കുള്ള വാതായനങ്ങൾ തുറക്കുന്നതായിരുന്നു.

വളർച്ചയിലേക്കുള്ള കുതിപ്പ്