ബജറ്റ് ഫ്രണ്ട്ലി

1 ലക്ഷം രൂപയ്ക്ക് മികച്ച റേഞ്ചുള്ള ഇലക്ട്രിക് സ്കൂട്ടർ

- Roshni

പ്രീമിയം ക്വാളിറ്റിയുള്ള ബജറ്റ് ഫ്രണ്ട്ലി സ്കൂട്ടറുകൾ ഇഷ്ടമാകാത്തവരുണ്ടോ? നല്ല റേഞ്ച് വേണം, അത്യാവശ്യം സൗകര്യങ്ങൾ ഉണ്ടായിരിക്കണം. വില ഒരു ലക്ഷത്തിൽ താഴെയാണെങ്കിൽ ഏറ്റവും നല്ലത്. ദിവസേന 60-70 കിമീ യാത്ര ചെയ്യുന്നവർക്കു വേണ്ടിയുള്ളതാണ് എക്സ് പ്ലസ്. ഫുഡ് ഡെലിവറി, കൊറിയർ, ഫീൽഡ് വർക്ക് തുടങ്ങിയ മേഖലകളിൽ ജോലി നോക്കുന്നവർക്ക് സ്മാർട് ഫീച്ചറുകളേക്കാൾ ആവശ്യം മൈലേജ് ആണ്. അവർക്കു പരിഗണിക്കാവുന്ന മോഡൽ, തികച്ചും യൂസർ ഫ്രണ്ട്ലിയാണ് എസ് എക്സ് പ്ലസ്.

ഡിസൈൻ

 ഓല എസ്1 പ്രോയുമായി സാമ്യമുള്ള ഡിസൈൻ. ഡിസൈനിൽ മാത്രമേ ആ സാമ്യമുള്ളൂ. ഫീച്ചറുകൾ, റേഞ്ച്, മോട്ടർ, റൈഡിങ് കംഫർട്ട് എന്നിവയെല്ലാം വ്യത്യസ്തമാണ്. എസ് 1 പ്രോയിലുള്ള 7 ഇഞ്ച് ടച്ച് സ്ക്രീനിനു പകരം 5 ഇഞ്ച് എൽഇഡി സ്ക്രീൻ ആണ് എക്സ് പ്ലസിൽ. കീലെസ് എൻട്രി.