குமார ஞானதந்திரம்! கந்தரனுபூதி சக்தி வழிபாடு!

பாரத நாடு எண்ணற்ற தவப்புதல்வர்களைப் பெற்றுள்ளது. நாயன்மார்கள், ஆழ்வார்கள் தொடங்கி, அருட்திரு சுவாமி சிவானந்தர், காஞ்சிப் பெரியவர்வரை எத்தனையோ அருளாளர்கள் இப்பூமியில் பிறந்து, மக்களுக்கு நல்வழிகாட்டிச் சென்றுள்ளனர். இவ்வரிசையில் தமிழகம் கொண்ட பெரும் பயனாக அருணகிரி நாதர் திருவண்ணாமலையில் பிறந்து, தமிழ்க் கடவுள் முருகன் மீது பல்வேறு பாடல்களைப் பாடினார். இவர், முருகனே அடியெடுத்துக்கொடுத்த திருப்புகழ் தொடங்கி, வேல் வகுப்பு, வாள் வகுப்பு, தேவேந்திர சங்க வகுப்பு, கந்தரலங்காரம், கந்தர் அந்தாதி, கந்தரனுபூதி என்று முருகனின் மீது இயற்றிய பாடல்கள் அளவில்லாதது.

- அருண் ராதாகிருஷ்ணன்

எவ்வாறு திருவாசகம் சைவத் திருமுறைகள் மனதை உருக்குமோ, வைணவத்தில் ஆழ்வார்களின் பாசுரங்கள் பக்தி கொண்ட மன தைப் பரமனடி சேர்க்குமோ, சக்தி வழிபாட்டில் பல ரகசியங்கள் கொண்ட லலிதா சகஸ்ரநாமம், தேவி மகாத்மியம் உள்ளதோ, அவ்வாறே கந்தரனுபூதி முருகனின் அடியார்களை உருக்கும்; முருகனடி சேர்க்கும்; வாழும்ப