മക്കളെ സമ്പാദിക്കാൻ പഠിപ്പിക്കുന്നതു തെറ്റാണോ?

കുട്ടികൾക്ക് എന്തിനാണു സമ്പാദ്യമെന്നതു ഗൗരവമായി ചർച്ച ചെയ്യണമെന്ന മുഖ്യമന്ത്രി പിണറായി വിജയന്റെ പ്രസംഗത്തിന്റെ പശ്ചാത്തലത്തിൽ ചില ചോദ്യങ്ങൾ.

- 

“സമ്പാദിക്കാനല്ല, ശരിയായി ജീവിക്കാനാണു കുട്ടികളെ പഠിപ്പിക്കേണ്ടത്", പറയുന്നത് ബഹുമാനപ്പെട്ട കേരള മുഖ്യമന്ത്രി പിണറായി വിജയൻ. കുട്ടികളിൽ സമ്പാദ്യം ശീലം വളർത്താനായി കേരള ബാങ്ക് ആവിഷ്കരിച്ച വിദ്യാനിധി നിക്ഷേപപദ്ധതി ഉദ്ഘാടനം ചെയ്തുകൊണ്ട് നവംബർ 30 ന് അദ്ദേഹം പറഞ്ഞ വാക്കുകളാണിത്.