വായ്പാ തിരിച്ചടവിനു സാവകാശം

കോവിഡ് പ്രതിസന്ധി നേരിടാനുള്ള നടപടികളുടെ ഭാഗമായി ബാങ്ക് വായ്പയും സ്വർണപ്പണയ വായ്പയും ക്രഡിറ്റ് കാർഡ് ബില്ലും അടക്കമുള്ള തിരിച്ചടവുകൾക്കു റിസർവ്ബാങ്ക് മൂന്നു മാസത്തെ സാവകാശം (മൊറട്ടോറിയം) പ്രഖ്യാപിച്ചു. മൂലധന വായ്പകൾക്കു പലിശ ഈടാക്കുന്നതും മൂന്നു മാസത്തേക്കു മാറ്റിവച്ചു. ഫെബ്രുവരി 29 വരെയുള്ള തിരിച്ചടവിൽ കുടിശിക ഇല്ലാത്തവർക്കു മാത്രമാണു സാവകാശം കിട്ടുക. വായ്പാ തിരിച്ചടവു മുടങ്ങിയാൽ സിബിൽ പോലുള്ള ക്രഡിറ്റ് ഇൻഫർമേഷൻ ഏജൻസികളെ അറിയിക്കില്ല. മൂന്നു മാസം കഴിയുമ്പോൾ തിരിച്ചടയ്ക്കാനുള്ള മുതലിനൊപ്പം മൂന്നു മാസത്തെ പലിശകൂടി ചേർക്കും. അതുകൂടി ചേർത്താണു പിന്നീടുള്ള മാസത്തവണകൾ. ക്രഡിറ്റ് കാർഡ് തിരിച്ചടവുകൾക്കും മൊറട്ടോറിയം ബാധമാണ്. എന്നാൽ മിനിമം തിരിച്ചടവ് തുകയെങ്കിലും അടച്ചില്ലെങ്കിൽ സിബിൽ സ്കോർ താഴാം.

- 

സർവിസ് വാറന്റി നീട്ടി വാഹന കമ്പനികൾ