പൊടിമീശ മുളയ്ണകാലത്തിനും മുമ്പേ...

'വാസ്തവം' സിനിമയിൽ പൃഥ്വിരാജിന്റെ കുട്ടിക്കാലം, ' മാണിക്യക്കല്ല് സിനിമയിലും പൃഥ്വിരാജിന്റെ കുട്ടിക്കാലം, 'പാ.വ' എന്ന സിനിമയിൽ അനൂപ് മേനോന്റെ ചെറുപ്പകാലം.... അയാളും ഞാനും തമ്മിൽ എന്ന സിനിമയിലും ഒരു വേഷം, പുത്തൻ പണം എന്ന സിനിമയിൽ മമ്മൂട്ടിയുടെ മകനായി അഭിനയിച്ചു. ഇപ്പോൾ എം. പത്മകുമാർ സംവിധാനം ചെയ്യുന്ന ' പത്താം വളവ്' എന്ന സിനിമയിൽ അഭിനയിച്ചുകൊണ്ടിരിക്കുന്ന ഈ നടന്റെ പേര് ആകാശ്.

- 

ബാലനടനായി 'വാസ്തവ'ത്തിൽ അഭിനയിക്കാൻ വരുമ്പോൾ അന്ന് അഞ്ചോ ആറോ വയസ്സ് മാത്രം പ്രായം. 'പാ.വ' സിനിമയിലെ ശ്രദ്ധേയമായ ഒരു ഗാനമുണ്ട്. 'പൊടിമീശ മുളയ്ക്കുന്ന കാലം...' ആ ഗാനരംഗത്ത് നായികയ്ക്കൊപ്പം അഭിനയിച്ച രണ്ട് കൗമാരപ്രായക്കാരിൽ ഒരാൾ ആകാശ് ആയിരുന്നു. അക്ഷരാർത്ഥത്തിൽ പൊടിമീശ മുളയ്ക്കുന്ന പ്രായത്തിൽ തന്നെയായിരുന്നു ആകാശും.