ആ കയ്യടികളായിരുന്നു കാത്തിരിപ്പിനുള്ള കരുത്ത്

കുഞ്ഞുനാൾ മുതൽ സജിൻ സ്വപ്നം കണ്ടതായിരുന്നു അഭിനയം. ഇടയ്ക്ക് ചില ജീവിത വേഷങ്ങൾ വന്നു പോയെങ്കിലും അന്നും ഇന്നും കാമറയ്ക്ക് മുന്നിൽ നിൽക്കുമ്പോഴാണ് തന്റെ ഉള്ളിൽ സന്തോഷം തുളുമ്പുന്നതെന്ന് ഈ നടൻ വ്യക്തമാക്കുന്നു.

- അഞ്ജലി വിമൽ

വർഷങ്ങളുടെ കാത്തിരിപ്പിനൊടുവിൽ സ്വപ്നം കണ്ടിടത്തേക്ക് മടങ്ങിയെത്തുക, എല്ലാവരെയും തേടിയെത്തുന്ന ഭാഗ്യമല്ല അത്. അത്രയധികം ആഗ്രഹിച്ചതുകൊണ്ടാവാം മനസിൽ എന്നുമുണ്ടായിരുന്ന അഭിനയമോഹം സഫലമായത്. ഇപ്പോൾ കാമറയ്ക്ക് മുന്നിൽ നിൽക്കുമ്പോൾ കടന്നുവന്ന യാത്രയിലെ ഓരോ നിമിഷവും സജിന്റെ മനസിലുണ്ട്.