சரிவுக்குத் தீர்வு சரியான தேர்வு

வாழ்க்கையில்.. பொறுப்புகளை தைரியமாக ஏற்றுக் கொள்ளும் திறன் அவசியம். இங்கே 'பொறுப்பு ஏற்றுக் கொள்ளுதல்' என்றதும். ஏதோ நிர்வாகத்திலோ, அமைப்பிலோ முக்கிய பொறுப்பை ஏற்றுக் கொள்ளுதலோ, அல்லது குடும்ப பொறுப்பை ஏற்றுக் கொள்ளுதலோ அல்ல. அந்தப் பொறுப்புகளையும் ஏற்றுக் கொள்வதென்றால் கூட நம்மில் பலருக்கு பயமும், தயக்கமும் மேலிடும். இங்கே, குறிப்பிடுவது அதுவல்ல.

- கோவை ஆறுமுகம்

நம் வாழ்க்கையில் ஏற்படும் தொழில், நிர்வாக தோல்வி சரிவுகளுக்கான சம்பவங்களுக்கு நாம்தான் காரணம் என்கிற பொறுப்பு ஏற்கும் ணர்வைப் பற்றி குறிப்பிடுகிறேன். பொதுவாக, நாம் மற்றவர்களிடம் பொறுப்பை ஒப்படைத்து விட்டு, தோல்வி சம்பவங்களுக்கு அவர்களைக் காரணம் காட்டி, குறை சொல்வது தான் நடைமுறை.