Wild&Jag; / Game&Hunt; - October 2018

I dette nummeret

SEISOENE KOM EN GAAN SEASONS COME AND GO “Live in each season as it passes, breathe the air, drink the drink, taste the fruit, and resign yourself to the influence of the earth …” Die winterseisoen in Suid-Afrika is vir alle praktiese doeleindes iets van die verlede … en só ongelukkig ook die jagseisoen. Ongeag baie uitdagende ekonomiese en polities onstabiele omstandighede in die land, het die wildbedryf (ingeslote die jagbedryf) weer eens bewys dat ons hierdie situasie te bowe kan kom. Ons kan met sekerheid sê dat wildverkope van beide top- genetiese materiaal en kommersiële diere goeie gemiddelde pryse behaal en in enkele gevalle alle verwagtinge oortref het. Die terugvoer vanaf die jagmark was dat jagters waarde vir hul geld gekry het wat “biltongjag” betref, asook dat hulle trofeediere sowel as spesies soos swartwitpense, buffels en bastergemsbokke teen bekostigbare pryse kon jag. Ons het volle vertroue in die bedryf en tydens die maande wat tradisioneel buite die jag- en veilingseisoen val, kan ons ons op ekotoerisme toespits, ’n blaaskans vat en ons op volgende jaar se seisoen voorberei. In hierdie uitgawe gesels dr Flippie Cloete in sy gereelde rubriek, “Lewendewild-handelstendense”, oudergewoonte oor terugblikke op en vooruitskouings van die wildbedryf met gepaardgaande statistieke, pryse en neigings (bl 74). Hy kyk onder meer na die merkbare toename in aanbod, asook faktore wat ’n impak het op die onsekere, huidige omstandighede, byvoorbeeld die verskuiwing van markkragte.