ഗാന വർഷം

തമിഴ്നാട് സർക്കാരിന്റെ മികച്ച ഗായിക പുരസ്കാരം നേടി മലയാളിക്ക് അഭിമാനമായി വർഷ രഞ്ജിത്ത്

- രാഖി റാസ്

കുട്ടിക്കാലം മുതലേ സിനിമയിൽ പാടിത്തുടങ്ങിയതാണ്. പക്ഷേ, കവർ സോങ്ങുകളിൽ എന്റെ സിനിമാപ്പാട്ടുകൾ പലതും മുങ്ങിപ്പോയി. 2020ലെ അവാർഡാണ് ഇപ്പോൾ കിട്ടിയത്.

കോവിഡിന് ശേഷമുള്ള വർഷങ്ങളിലെ അവാർഡ് ഒന്നിച്ചു നൽകുകയായിരുന്നു. തായ്നിലം' എന്ന സിനിമയിലെ “ആകായം മേലേ' എന്ന പാട്ട് പാടുമ്പോൾ ഞാൻ സ്കൂൾ കുട്ടിയാണ്. പതിമൂന്നാം വയസ്സിൽ പാടിയ പാട്ടിനാണ് ഇരുപതാം വയസ്സിൽ അവാർഡ് വാങ്ങിയത്.

ഔസേപ്പച്ചൻ സാർ സംഗീതം നൽകി 2018ൽ ഇറങ്ങിയ "വാങ്ക് സിനിമയിലെ "വലതു ചെവിയിൽ' എന്ന ഗാനത്തിന് നാഷനൽ അവാർഡ് നോമിനിയായിരുന്നു. അതൊക്കെ ഏറെ സന്തോഷം തരുന്ന ഓർമകളാണ്.

ഓർമ വെച്ച കാലം മുതൽ അച്ഛൻ രഞ്ജിത്ത് വാസുദേവാണു സംഗീതം പരിശീലിപ്പിക്കുന്നത്. അമ്മ ഷീബ രഞ്ജിത്തും സംഗീത അധ്യാപികയാണ്. 12-ാം ക്ലാസ് വരെ ചെന്നൈയിലായിരുന്നു. അന്നു ബിന്നി കൃഷ്ണകുമാറിന്റെയടുത്ത് കർണാടക സംഗീതം പഠി ച്ചിരുന്നു. കോവിഡ് കാലത്ത് ഞങ്ങളുടെ നാടായ കൊല്ലത്തേക്കു കുടുംബമായി വന്നു. കൊല്ലം ഫാത്തിമ മാതാ നാഷനൽ കോളജിൽ ബികോം ഫിനാൻസ് മൂന്നാം വർഷ വിദ്യാർഥിയാണ്. എൻ.ജെ. നന്ദിനിയുടെ കീഴിലാണ് ഇപ്പോൾ സംഗീതം പഠിക്കുന്നത്.