പോളിസൈത്തീമിയ ജീവന് ഭീഷണിയോ?

ചുവന്ന രക്താണുക്കളുടെ എണ്ണം അമിതമാകുന്ന രോഗാവസ്ഥയാണ് പോളിസൈത്തീമിയ. ലക്ഷണങ്ങളും ചികിൽസയും അറിയാം

- ഡോ.നിഖിൽ എം. കുമാർ കൺസൽറ്റന്റ് ഹെമറ്റോളജി & ബിഎംടി

രക്തത്തിൽ ചുവന്ന രക്താണുക്കൾ ആവശ്യത്തിനുണ്ടായിരിക്കുക ആരോഗ്യത്തിന്റെ ലക്ഷണമാണ്. എന്നാൽ അതു കൂടിയാലോ ? രക്തത്തിലെ ചുവന്ന രക്താണുക്കളുടെ (Red Blood Cells) എണ്ണം ആവശ്യത്തിലും കൂടുതലാകുന്ന അവസ്ഥയാണ് പോളി സൈത്തീമി യ (Polycythemia). ഇതു രക്തത്തിന്റെ സാന്ദ്രത കൂട്ടും. രക്തയോട്ടം കുറയ്ക്കും. തന്മൂലം രക്തം കട്ടപിടിക്കാനുള്ള സാധ്യത വർധിക്കും. സ്ട്രോക് പോലുള്ള ഗുരുതര പ്രശ്നങ്ങളിലേക്കും ഇതു നയിക്കാം.

പുരുഷന്മാരിൽ രക്തത്തിലെ ഹീമോഗ്ലോബിൻ 16.5 g/ dL അല്ലെങ്കിൽ ഹിമാറ്റോക്രിറ്റ് 49 ശതമാനമോ അതിലധിക മോ ആയാൽ, സ്ത്രീകളിൽ ഇത് 16 g/dL അല്ലെങ്കിൽ ഹിമാറ്റോക്രിറ്റ് 48 ശതമാനമോ അതിലധികമോ ആയാൽ പോളിസൈത്തീമിയ സംശയിക്കാം.

പ്രൈമറി പോളിത്തീമിയ, സെക്കൻഡറി പോളിസൈത്തീമിയ എന്നിങ്ങനെ രണ്ടു വിഭാഗങ്ങളായി രോഗത്തെ തിരിച്ചിരിക്കുന്നു.

പോളിസൈത്തിമിയ വെര

പ്രൈമറി പോളിസത്തീമിയ (Primary Polycythemia) അഥ വാ പോളിസൈത്തീമിയ വെര (Polycythemia Vera) എന്നത് ഒരുതരം രക്താർബുദമാണ്. ഈ രോഗം ബാധിച്ചവരുടെ അസ്ഥികൾക്കുള്ളിലെ മ (Bone Marrow) അമിതമായി ചുവന്ന രക്താണുക്കളെ ഉത്പാദിപ്പിക്കുന്നു. ഈ അധിക കോശങ്ങൾ രക്തത്തെ കൂടുതൽ കട്ടിയാക്കുകയും രക്തയോട്ടം മന്ദഗതിയിലാക്കുകയും ചെയ്യും. രക്തം കട്ടപിടിക്കുന്നതു പോലുള്ള ഗുരുതരമായ ആരോഗ്യപ്രശ്നങ്ങൾക്ക് കാരണമായേക്കാം.

രോഗം ബാധിച്ചിട്ടു വർഷങ്ങളായെങ്കിലും ഗുരുതരമാകും വരെ രോഗം അറിയാതെ പോകാം. കൃത്യമായ ചികിത്സ ലഭിച്ചില്ലെങ്കിൽ പോളിസത്തീമിയ വെര ജീവനു ഭീഷണിയാവാം. ശരിയായ ചികിത്സയിലൂടെ രോഗലക്ഷണങ്ങളും സങ്കീർണതകളും ലഘൂകരിക്കാൻ സാധിക്കും.