മൂലകോശദാനം എന്നാൽ എന്ത്?

ഒരു ജീവൻ രക്ഷിക്കാൻ തയാറാണോ, എങ്കിൽ ഇന്നു തന്നെ ബ്ലഡ് സ്റ്റെം സെൽ ദാനം ചെയ്യാനായി റജിസ്റ്റർ ചെയ്യാം

- 

ബ്ളഡ് കാൻസർ പോലെ മാരകമായ നൂറോളം രക്തജന്യ രോഗങ്ങൾക്ക് അവസാന പ്രതീക്ഷയാണു ബ്ലഡ് സ്റ്റെം സെൽ ട്രാൻസ്പ്ലാന്. രക്തമൂലകോശം (മജ്ജ മാറ്റിവയ്ക്കാനായി ജനിതക സാമ്യമുള്ള ദാതാവു വേണം. രക്തദാനം പോലെ തന്നെ വളരെ എളുപ്പവും സുരക്ഷിതവുമാണ് ഇതും.

രക്തദാനത്തിനു രക്ത ഗ്രൂപ്പ് സാമ്യം വേണ്ടതു പോലെ രക്തമൂലകോശദാനത്തിനു ജനിതകസാമ്യം (HLA Match) വേണം. കുടുംബത്തിൽ നിന്നോ സഹോദരങ്ങളിൽ നിന്നോ ജനിതകസാമ്യമുള്ള ദാതാവിനെ കണ്ടെത്താനുള്ള സാധ്യത 25% മാത്രമാണ്. കുടുംബത്തിൽ നിന്നു ദാതാവ് ഇല്ലാത്ത സാഹചര്യങ്ങളിൽ പുറമെ നിന്നൊരാളെ കണ്ടെത്തേണ്ടി വരും. ഇതിനു സഹായകരമാകുന്ന സന്നദ്ധ രക്തമൂലകോശ ദാതാക്കളുടെ സംഘടനകൾ ആണ് ഡോണർ റജിസ്ട്രികൾ (Blood Stem Cell Donor Registry).