സ്വന്തം നാടുതന്നെ സ്വർഗ്ഗം

സാഹസ സഞ്ചാരത്തിന് വരുന്നവർ പ്രകൃതിയുമായി ലയിച്ച് കഴിയാൻ ടെന്റുകളിൽ തങ്ങാറുണ്ട്

- 

അദ്ദേഹത്തെ പിന്തുടർന്ന് നടന്നെങ്കിലും വേഗത അത്രത്തോളം ഞങ്ങൾക്ക് ഇല്ലായിരുന്നു. അവർക്ക് വഴികൾ എല്ലാം പരിചിതവും. കുതിര സഞ്ചരിക്കുന്ന വഴിയായതിനാൽ നടക്കാൻ ഏറെ ബുദ്ധിമുട്ടേണ്ടി വന്നു. ഷൂസിൽ ചെളിയും അഴുക്കും പുരളാതിരിക്കാനുള്ള ശ്രമങ്ങൾ വേറെയും. കാണാൻ പോകുന്ന പൂരത്തിനെക്കുറിച്ചോർത്ത് വല്ലവിധേന എത്തിയപ്പോൾ ഞെട്ടിപ്പോയി.

ചെളിനിറഞ്ഞ മഞ്ഞുകട്ടകൾ. ഇതിനായിരുന്നോ ഇത് തത്രപ്പെട്ട് ഇവിടെയെത്തിയത്. എങ്കിലും ആ മഞ്ഞുകൾ കണ്ട് ആസ്വദിക്കുന്നവരുണ്ട്. എന്തിന് വൃത്തിഹീനതയുടെ ഇടയിലേക്ക് ഞങ്ങളെ കൂട്ടി എന്ന ചോദ്യം ഗോൾഡനെ വിഷമത്തിലാക്കി. തുടർന്ന് ഒരു ക്ഷമാപണത്തോടെ മടക്കം. മറ്റുമാർഗ്ഗ ങ്ങൾ ഇല്ലാത്തതിനാൽ വന്ന വഴി തന്നെയായിരുന്നു ആശ്രയം. പക്ഷേ ഇത്തവണ ഞങ്ങൾക്ക് ആ വഴിയിൽക്കൂടി നന്നായി നടക്കാനായി. അത് നൽകിയത് ഒരുതരം ആത്മസംതൃപ്തിയാണ്. ഒന്നുരണ്ട് ദിനങ്ങളുടെ പരിശീലനം കൂടിയായാൽ ഇതിൽ പ്രഗത്ഭരാകുകയും ചെയ്യാമല്ലോ എന്ന് അൽപ്പം ഗർവ്വോടുകൂടി ചിന്തിക്കുകയും ചെയ്തു.

എങ്കിലും ഞങ്ങളുടെ ഷൂസിലെ ചെളി മൂലം വണ്ടി വൃത്തികേടാകുന്ന വിഷമത്തിലായിരുന്നു ഞങ്ങൾ. എന്നാൽ അത്തരത്തിലുള്ള ക്ലേശങ്ങളെ തരണം ചെയ്യാൻ ഉതകുന്ന ചവിട്ടിയാണ് വണ്ടിയിൽ ഉപയോഗിക്കുന്നതെന്ന് ഡ്രൈവർ പറഞ്ഞത് ഞങ്ങൾക്ക് ആശ്വാസമായി.

ഞങ്ങൾക്ക് ലാഭമുണ്ടാകാവുന്ന തരത്തിൽ ഒരു സഞ്ചാരമാർഗ്ഗരേഖയിലൂടെയാണ്. ഒത്തുതീർപ്പിലൂടെയാണ് ഡ്രൈവർ ഞങ്ങളെ മുന്നോട്ടുനയിച്ചിരുന്നത്. ജീവിതനിലവാരം സുഭദ്രമാകുമ്പോൾ സ്വന്തം നാടുവിട്ട് മറ്റുദേശങ്ങളിൽ ചേക്കേറണമെന്ന ചിന്ത പല യുവാക്കളുടെയും മനസ്സുകളിൽ ഉണ്ടാകാറുണ്ട്. അങ്ങനെ ഞങ്ങളും ഒരിക്കൽ കേരളം ചുറ്റിക്കാണാൻ വന്നിട്ടുണ്ട്. ഇവിടുത്തെ പോലെ ഇടവിട്ടുള്ള മഴകൾ അവിടെയും ഞങ്ങൾക്ക് അനുഭവപ്പെട്ടിട്ടുണ്ട്. പക്ഷേ ഏവർക്കുമെന്നപോലെ ഞങ്ങൾക്കും സ്വന്തം നാടുതന്നെയാണ് സ്വർഗ്ഗം. ഡ്രൈവർ ആത്മഗതം പോലെ കാര്യങ്ങൾ  പറഞ്ഞുകൊണ്ടിരുന്നു.